د طالبانو د بهرنیو چارو سرپرست، امیر خان متقي د ایران له ځینو ډیپلوماتانو سره داسې وخت خبرې وکړې، چې په دې کتنه کې د کابل لپاره د ایران پخوانی یا هم اوسنی سفیر حاضر نه و.
په وروستیو کې ایران د افغانستان لپاره خپل سفیر بهادر امینیان بدل کړ، هغه هم د سفیر د صوتي پیغامونو تر افشا کېدو وروسته چې په هغه کې یې طالبانو ته بد رد ویلي وو.
د طالبانو ویاند ذبیحالله مجاهد ویلي چې د طالبانو حکومت په کابل کې د ایران د نوي سفیر په توګه د کاظمي قمي د کار د پیلولو هرکلی وکړ.
ایران د افغانستان لپاره د ایران د ولسمشر ځانګړی استازی حسن کاظمي قُمي د نوي سفیر په توګه ټاکلی دی.
زموږ همکار، صالح محمد صالح د نړیوالو چارو له شنونکي حکمت اعظمي د مرکې په پیل کې پوښتنه کړې، د ایران د سفیر بهادر امینیان بدلول د هغه د صوتي پیغامونو له افشا کېدو سره څومره ارتباط لري.
د ښاغلي اعظمي مرکه د لاندې غږيز فايل په کېکاږلو اورېدلی شئ:
