د افغانستان پخوانی ولسمشر اشرف غني وایي، د افغانستان د اساسي قانون له مخې دی تر اوسه د افغانستان قانوني ولسمشر دی او تر هغو به وي چې واک یې بل هغه چا ته چې د ولس په خوښه ټاکل کېږي، نه وي سپارلی.
ښاغلي غني دغه څرګندونې له یوې افغان خپرونديې شبکې سره په وروستۍ مرکه کې کړي او د جمهوريت د سقوط ملامتي یې پر یو شمېر نورو لورو اچولې ده.
ښاغلی غني وایي، مخکې له دې چې له کابله ووځي د جمهوري نظام پر سرمعامله شوې وه.
نوریاس نوري په دې اړه په واشنګټن کې د امریکا په ملي دفاعي پوهنتون کې له استاد علي احمد جلالي سره مرکه کړې او په پیل کې یې ترې پوښتنه کړي چې د اشرف غني د دغو څرګندونو چې وایي، د جمهوري نظام پر سر معامله شوې وه، هدف څوک دي؟
د ښاغلي جلالي مرکه د لاندې غږيز فايل په کليک کولو اورېدلی شئ:
