په بیان کې وړاندې راغلي چې له پاس کسانو یو تن په یو کال بند او ۳۹ درو، بل نفر په یو کال او شپږ میاشتې بند او ۳۰ درو، او دریم کس هم په شپږو میاشتو بند او ۳۹ درو محکوم شوی.

د طالبانو سترې محکمې په یوه اعلامیه کې ویلي چې د غزني ولایت په جاغوري ولسوالۍ کې هم دوه سړي د زنا په تور هر یو ۳۹ دُرې وهل شوي.

د بیان له مخې، دوه کسان هم په درې کاله او شپږ میاشتې بند محکوم شوي.

په تیرو دریو کلونو کې په افغانستان کې د طالبانو په بیا واکمنېدو سره، دوی سلګونه کسان په مختلفو تورونو په درو وهلي دي.

د طالبانو حکومت د بشري حقونو سازمانونو له خوا د جسمي سزاګانو د بندولو لپاره له پرله پسې غوښتنو سربېره خلکو ته سزاوې ورکوي.

ګلبدین نایب تر پایلوبې د دوبۍ د ټيم د رسولو په برخه کې ډېره ونډه درلوده داسې چې څو واره یې د لوبې د غوره لوبغاړي جایزه هم ګټلې.

دوبۍ ټیم د ډیزرټ وایپرز له خوا د ۱۸۹ منډو هدف پوره کړ او پایلوبه یې د څلورو وېکټو په توپیر وګټله.

د متحده عربي اماراتو په تجارتي لیګ کې ګلبدین نایب د مینه والو له خوا د ټورنمنټ اغېزناکه لوبغاړی بلل شوی.

بل افغان لوبغاړی فضل الحق فاروقي بیا د متحده عربي اماراتو نړیوال تجارتي لیګ کې په ۲۱ ویکټو مخکښ بالر شوی.

هغه په خپله ایکس پاڼه کې لیکلي چې د دید د ساحې دمحدودیت او د انساني او مالي زیانونو د مخنیوي په هدف دا لار د ټولو مسافر وړونکو او بار وړونکو وسایطو پر مخ تړل شوې.

هغه ویلي چې د سالنګونو د ساتنې او څارنې ریاست مؤظف ټيمونه چمتو دي، ترڅو د هوا د ښه کېدو او د طوفان د کمېدو سره سم؛ لاره پاکه او د ټرافیکو پر مخ پرانیزي.

اخوا د راپورونو له مخې د دایکندي او بامیانو لویه لار په قوناق کوتل سیمه کې د درنې واورې په سبب تړل شوې ده.

د هوا پيژندنې ادارې د اټکل په اساس د افغانستان په څه باندې ۲۵ ولایتونو کې درنې واورې کېږي چې ورسره د لارو د تړل کېدو خطرونه هم رامنځته شوي.

مککال مخکې د کانګرس په مخکینۍ دوره کې د استازیو جرګې د بهرنیو اړیکو د کمېټې مشر وو.

هغه بېګا له سي بي اس ټلویزیون سره په مرکه کې دا خبره یاده کړه.

«دوی د کډوالۍ دا ځانګړې ویزې اس آی وي یا پي ۱ او پي ۲ لري. او زما په نظر دوی باید د اس آی وي له لارې مخکې پرېښودل شي. هغوی بررسي شوې د نورو هغو ډلو په نسبت چې دوی یې په اړه غږیږي. هغوی زموږ له پوځیانو سره کار وکړ څو طالبان مات کړي چې متاسفانه بایډن ورته تسلیم شو. خو ښکاري چې باید موږ په خپله خبره ودریږو که نه په بله جګړه کې به بیا هېڅوک په موږ باور ونه کړي.»

د امریکا ولسمشر ډونالډ ټرمپ د کډوالو د بیا هستوګنې او انتقال پروسه تر دریو میاشتو ځنډولې چې ورسره د افغانانو د انتقال پروسه هم ځنډېدلې.

امریکا زرګونو افغانانو ته د کډوالۍ د ویزو ژمنې ورکړي او ګڼ دا افغانان د خپلو دوسیو د پروسس لپاره په پاکستان، فیلیپین او څو نورو هېوادونو کې انتظار باسي.

د پېښور لوړې محکمې د خیبر پښتونخوا او مرکزي حکومتونو او د قانون پلي کوونکو ادارو ته لارښوونه کړې چې د افغانستان او پاکستان ترمنځ د مالونو له لېږدونکو موټرو څخه غیرقانوني پیسې وانه خلي او یوازې په هغو امنیتي پوستو کې یې تلاشي واخلي چې له کراچۍ څخه تر تورخم پورې پر ملي لویو لارو جوړې شوي دي.

دا پرېکړه د قاضي شکیل احمد او قاضي ثابت الله خان، له خوا د افغان ټرانسپورتي اتحادیې (ATU) د مشر محمد نور احمدزي د غوښتنې پر بنسټ وشوه.

نوموړي په خپله عریضه کې ویلي چې پولیس او نورې امنیتي ادارې د امنیت او مخدره موادو په پلمه باروړونکي موټر تلاشي کوي او له چلوونکو څخه په غیرقانوني ډول پیسې اخلي.

وسله والو کسانو د نورستان ولایت په نورګرام ولسوالۍ کې پر یوه کور په برید کې د یوې ښځې په ګډون ۳ تنه وژلي دي.

د طالبانو تر کنټرول لاندې د نورګرام ولسوال په یوه خبرپاڼه کې ویلي چې دا پېښه نن یکشنبه (د سلواغې په ۲۱) په میري کلي کې شوې ده.

په خبرپاڼه کې وړاندې راغلي چې د یادې ولسوالۍ طالب چارواکي د پېښې ځاي ته تللې او هڅه کوې چې د وژونکو او وژل شوو کسانو د کورنیو ترمنځ د نور تاوتریخوالي مخه ونیول شي.

د لومړنیو معلوماتو له مخې د دې پېښې انګېزه خپل منځي اختلاف دی.

د ترکیې پولیسو نن (یکشنبې) په اماسیا ښار کې د یوه باروړونکي موټر تر پلټنې وروسته ۲۴ بې اسناده افغان پناه غوښتونکي وپېژندل او ونیول.

دغه کسان په هغه لارۍ کې پټ شوي وو، چې خام ربړ یې لېږدول.

د پولیسو د راپور له مخې، لارۍ، چې اصلاً د روسیې وه، او له ۸۰۰ کیلومتره سفر وروسته د اماسیا ښار ته رسېدلې وه.

د ترکيې رسنیو راپور ورکړی چې دا لارۍ له روسیې ترکیې ته داخله شوې وه او سوداګریز توکي یې لېږدول، خو د پولیسو له خوا ودرول شوه.

پولیسو د موټر چلوونکی د غیرقانوني کډوالو د لېږدولو په تور نیولی دی.

یونسیف وايي، د سږ کال د جنورۍ په میاشت کې یې د ۲۱۳ افغان ماشومانو، چې خوارځواکۍ اخته وو، درملنه کړې ده.

په افغانستان کې د یونسیف استازي تاج الدین (Tajudeen Oyewale) پرون (شنبې)، په خپله ایکسپاڼه یا پخواني ټویټر کې لیکلي چې دا ټول ماشومان له پنځو کلونو څخه کم کشران وو.

د یونیسف د استازي په وینا د دې ماشومانو درملنه د آسیایي پراختیایي بانک په همکارۍ شوې ده.

مرستندویو ادارو له امریکا څخه غوښتي چې په خپله هغه پرېکړه کې، چې پر اساس یې د ۹۰ ورځو لپاره د امریکا مرستې ځنډوي، افغانستان استثنا کړي.

افغانستان ته تر ټولو ډېرې بشري مرستې امریکا کوي.

د ملګروملتونو د خوړو او کرڼې اداره، FAO په نورستان کې د ۲۵۰ شنو خونو د جوړولو خبر ورکوي.

د دې ادارې د افغانستان څانګې نن یکشنبې په خپله ایکسپاڼه یا پخواني ټویټر کې لیکلي چې شنې خونې د نورستان له کروندګرو سره لوی کومک کوي.

د دې ادارې په خبره شنې خونې بوټو ته د څاڅکو اوبو په ورکولو سره د اوبو اغیزمنتوب زیاتوي، په ټول کال کې سبزیجات تولیدوي، عواید زیاتوي او واردات کموي او همدارنګه بزګرو ښځو ته فرصتونه رامنځ ته کوي.

په افغانستان کې چې اقتصاد یې ترډیره پرکرنې او مالدارۍ ولاړ دی، د ملګروملتونو دا اداره هڅه کوي چې په کلیوالي سیمو کې د بزګرو په لاسنیوي سره، هغوی د کرنیزو محصولاتو له لارې په خپل ځان بسیا شي.

د امنیت شورا په خبره په دې غونډه کې به د افغانستان د امنیتي وضعیت په اړه د ملګرو ملتونو د سرمنشي راپور وړاندې شي.
په دې راپور کې راغلي چې داعش یا اسلامي دولت ډله د افغانستان دننه او ورهاخوا سیمو کې لوی ترهګریز ګواښ دی.

طالبانو په وار وار ویلي چې دوی د داعش یا اسلامي دولت ډلې ګواښ تر ډېره له منځه وړی دی.

د راپورونو له مخې افغانستان کې ګڼ بریدونه د داعش یا اسلامي دولت ډلې له خوا ترسره شوي چې پکې د طالبانو ځینې جګپوړي چارواکي هم په نښه شوي دی.

د روان کال لیندۍ/قوس په ۲۱مه د طالبانو د کډوالو او بېرته ستنېدو چارو وزیر خلیل الرحمن حقاني په یوه انتحاري برید کې ووژل شو. د هغه برید مسوولیت داعش یا اسلامي دولت ډلې په غاړه واخیست.