د خبریالانو نړیوال فدراسیون د طالبانو د حکومت هغه پرېکړه غندلې ده، چې د ښځینه ویندویانو لپاره یې د مخ پټول جبري کړي او د طالبانو پر حکومت یې غږ کړی چې ښځو ته د کار آزادي ورکړي.
دې فدراسیون په یوه بیان کې چې پرون خپور شو ویلي دي، چې د طالبانو نوی حکم د هغو اقداماتو یوه برخه ده چې هدف یې له ټولنیز ډګر څخه د ښځو د تري تم کولو دي.
د افغانستان د پخوانۍ ولسي جرګې غړې شینکی کړوخېل په دې نظر ده چې نړیواله ټولنه د یولړ اقداماتو په وسیله طالبان دې ته اړ کولای شي چې د ښځو په برخه کې خپلې پالیسۍ بدلې کړي.
مېرمن کړوخېل له احمدتکل سره د مرکې په پیل کې دې پوښتنې ته ځواب ویلی چې طالبانو ولې تردې دمه د ښځو د حقونو په برخه کې د نړیوالو غوښتنې له پامه غورځولې دي؟
د دې مرکې د اورېدو لپاره لاندې لېنک کېکاږئ:
