د بشري حقونو د څار نړیوال سازمان وایي، په ټلوېزیونونو کې د ښځینه ویندویانو د مخونو پر پټولو نوی محدودیت د دې ښکارندوي کوي چې د طالبانو حکومت ورځې تر بلې د ښځو اساسي حقونه تر پښو لاندې کوي.
په دې اړه نوریاس نوري د رسنیو د ملاتړ بنسټونو د فدراسیون له غړي او په تېر حکومت کې د رسنیو د سرغړونې د ارزونې د کمېسیون له مرستیال ضیا بومیا سره مرکه کړې او لومړی یې ترې پوښتنه کړې چې د طالبانو له خوا د رسنیو پر ښځینه ویندویانو د مخونو د پټولو محدودیت، تصویري رسنۍ کوم لور ته بیایي؟
