د هغو رسمي شمېرو له مخې چې پرون شنبې (د مرغومي ۱۱مه) خپرې شوې، فرانسه په نړۍ کې شپږم هېواد شو چې په کې د کووېډ – ۱۹ ناروغۍ پېښې له لسو میلیونو اوښتي.
د فرانسې روغتیایي چارواکو په وروستیو ۲۴ ساعتونو کې د کووېډ -۱۹ ناروغۍ ۲۱۹ زره او ۱۲۶ نوې پېښې ثبت کړې چې دا پر له پسې څلورمه ورځ ده چې په دې هېواد کې د دغې ناروغۍ پېښې په ورځ کې له دوه سوه زرو اوړي.
په دې توګه فرانسه د امریکا له متحده ایالاتو، هند، برازیل، بریتانیا او روسیې سره چې په کې د کرونا مثبتې پېښې له لسو میلیونو اوښتي، یوځای شو.