په نړۍ کې نن او سبا چې خلک د کرسمس د رخصتیو لپاره سفرونه کوي، د کرونا د پېښو د زیاتېدو له امله زرګونو الوتنې لغوه شوي دي.
د الوتنو د اطلاعاتو د وېب پاڼې له مخې لږ تر لږه ۲۴۰۵ پروازونه د کرسمس په شپه لغوه شوي او نژدې ۱۰ زره نورې الوتنې ځنډیدلي دي.
د دغو پروازونو تر څلورمې برخې ډېره یا له متحد ایالاتونو بهر ته، یا هم متحد ایالاتونو ته وو.
د جان هاپکېنز پوهنتون د شمېرو له مخې په متحدایالاتونو کې په تېرې یوې اوونۍ کې د کرونا مثبتې پېښې ۴۵ سلنه زیاتې شوي دي.