اوکرائین د ملګرو ملتونو لهخوا د کرونا درې ملیون ډوزه واکسین ترلاسه کړل.
د ملګرو ملتونو د ماشومانو د ملاتړ وجهي صندوق، یونېسف ویلي چې د مدرنا شرکت درې ملیون ډوزه واکسینونه داسې وخت اوکرائین ته واستول شول چې دا هېواد د 'کووېډ-۱۹' له یوې نوې څپې سره مخ دی.
اوکرائین کې کرونا بیا اوج ته رسېدلې او تېره ورځ د ۱۷ زره نویو پېښو د ثبت خبر ورکړل شو.
په دغه هېواد کې تېر یو شپه او ورځ څه باندې ۴۴۰ کسان د کرونا له لاسه مړه شوي.