د شل اووریز کرکټ جام د لوبو په لړۍ کې نن بنګلهدېش د اسټرالیا په وړاندې په لوی توپیر ماتې وخوړه.
بنګلهدېش لومړی بېټنګ وکړ په ۱۵ اوورونو کې یې واړه لوبغاړي وسوځېدل او د سیالې لوبډلې لپارهیې د ۷۱ منډو اسانه هدف ورکړ.
د اسټرالیا ځواکمنې لوبډلې یوازې په ۶،۲ اوورونو کې د ۲ لوبغاړو په سوځېدو سره ۷۸ منډې وکړې او سیالې لوبډلې تهیې د اتو وېکټو په توپیر په داسې حال کې چې ۸۲ بالونهیې لا پاتې وو، ماتې ورکړه.
نن همداراز د کابل په وخت د ماښام په شپږ نیمو بجو د سریلانکا او وېسټ اندیز د لوبډلو ترمنځ یوه بله لوبه هم په پام کې ده.
افغانستان د نړیوال جام په لړۍ کې خپله څلورمه لوبه پرون له هند سره وکړه چې ویېبایلله. د افغانستان بله لوبه به د نومبر په اوومه یعنې د راروانې یکشنبې په ورځ له نیوزیلنډ سره وي.