د افغانستان د کرکټ ملي لوبډله وايي، په قطر کې یې د نړیوال جام د مسابقو لپاره چمتووالی او تمرینات په شدت روان دي.
د کرکټ ملي لوبډلې یوه لوبغاړي، حضرت الله ځاځي پرون په یوه ویډیويي پیغام کې وویل: "د نړیوال جام لپاره مو دلته ښه چمتووالی پیل کړی او تمرینات مو روان دي. که خدای کول موږ ښه خواري کړې او چمتووالی مو نیولی، ستاسو د هېوادوالو د دعاګانو په هیله."
د کرکټ د شلو اوورونو د نړیوال جام مسابقې په متحده عرب اماراتو کې کېږي چې د افغانستان لومړۍ مسابقه به د اکتوبر پر ۲۵ مه وي.
افغانستان په دویمه لوبه کې د اکټوبر پر ۲۹مه له پاکستان سره مخامخېږي.