د روغتیا نړیوال سازمان وايي، په افریقا کې د کرونا واکسین کولو پروګرام لږ پرمختګ کړی او دا لويه وچه لا هم د واکسین په برخه کې د نړۍ له نورو برخو وروسته پاتې ده.
د دغه سازمان په خبره د افريقا ډېری هېوادونو د نفوس په سلو کې ۲ سلنه خلک واکسین شوي دي.
د دې لویې وچې د ۵۴ هېوادونو څخه یوازې د ۱۵ هېوادونو لږ تر لږه لس سلنه نفوس یې واکسین کړی او هره میاشت ټاکل شوي نړیوال هدف ته رسیدلي چې یوازې د افریقا په نیمایي کې دي، چېرې چې د سازمان په وینا یوازې دوه سلنه نفوس د ویروس پر وړاندې واکسین کېږي.
په افریقا کې د واکسین کولو پروګرام همغږی کوونکی ریچارډ میهیګو وویل، وروستي معلومات لږ پرمختګ ښیې، مګر لا هم اوږده لاره پاتې ده، څو د کال تر پای پورې د ۴۰ سلنه بشپړ واکسین هدف ته ورسیږو.
په متحده ایالاتو کې د جان هاپکېنز پوهنتون د شمېرو له مخې په نړۍ کې د تایید شوېو مثبتو پېښو شمېر ۲۴۴ (۲۳۳،۷۱۷،۳۹۴) میلیونه ټنو ته رسیدلی او پایله لرونکي لګښتونه په نړۍ کې ۴۳.۵ (۲۳۳،۷۱۷،۳۹۴) ټنه راپور شوي.