د جرمني د باواریا ایالت صدراعظم وايي، د کرونا وبا څلورمه څپه به د مني په موسم کې دغه هېواد ته ورسېږي.
د رویټرز خبري اژانس په حواله، مارکوس سودر(Markus Soeder) پرون سې شنبه له ایالتي مشرانو سره د صدراعظم انګېلا مېرکل تر کتنې وروسته وویل، هغه څه چې مشخص دي دا دي چې د کرونا ویروس یا کووېډـ۱۹ ناروغۍ څلورمه څپه را روانه ده چې ښايي د مني په موسم کې جرمني ته ورسېږي.
د باواریا ایالت د صدراعظم په خبره، په جرمني کې په کرونا ویروس د خلکو د اخته کېدو حد ته په پام سره بې احتیاطي په کار نه ده.
تر اوسه په جرمني کې تر میلیونونو او ۸ لکو زیات کسان په کرونا ویروس اخته شوي او په دې ویروس د مړو شمېر تر ۹۲زرو او ۳۰۰ زیات ښوول شوی دی.