سپینه ماڼۍ وایي چې د تېرې یوې اوونۍ په ترڅ کې یې د کرونا دوه ویشت میلیونه ډوزه واکسین نورو هېوادونو ته استولی دی.
د سپیې ماڼۍ ویاندې جین ساکي پرون وویل، دا دوه ویشت میلیونه ډوزه واکسین د نړۍ درویشت هېوادونو ته صادر شوی دی او ټاکل شوې ده چې په راتلونکو دوو ورځو کې متحد ایالاتونه د کووېد-نولس ضد نور واکسینونه هم بهر ته واستوي چې له دې سره به د جین ساکي په وینا نورو هېوادو ته د متحد ایالاتونو له لوري د کرونا ضد ټول استول شوی واکسین اتیا میلیونه ډوزه ته ورسېږي.
اغلې ساکي وویل، د نړۍ بل هېڅ هېواد د کرونا ضد دومره ډوزه واکسین مرسته نه ده کړې.