د اروپايي ټولنې یوه روغتیايي چارواکي د دې ټولنې د غړو هېوادونو له وګړو د کرونا ضد واکسین لګولو غوښتنه وکړه.
د اروپا د درملو ادارې د بیالوژیکي روغتیايي ګواښونو او د واکسین د ستراتېژۍ د برخې مشر مارکو کوالري (Marco Cavaleri) پرون په امستردام کې یوه کنفرانس ته وویل: "غواړم ټینګار وکړم چې په دوامدار ډول د واکسین د روان خوځنده بهیر او د ممکنه احتمالي اغېزې موضوعیې څارو. په چټکۍ د ویروس د ډلټا بڼې خپرېدو، نهیوازې په اروپا، بلکې په نړۍ کې اندېښنې پارولې دي، دا ډېره مهمه ده چې په اروپا کې تر ممکنه حده زیات کسان واکسین شي."
د روغتیا نړیوال سازمان وايي، تر نهو پرلهپسې اوونیو وروسته د کرونا ویروس له کبله د مړینو شمېر تېره اوونۍ زیات و.
دغه سازمان ویلي چې تېره اوونۍ په کرونا ویروس ۵۵ زره کسان مړه شوي چې د مخکېنۍ اوونۍ په نسبت ۳ فیصده زیاتوالی ښيي.