اروپایي ټولنې د دې ټولنې د غړیو هېوادونو لپاره د کرونا ضد کافي واکسینونه برابر کړي چې هغه د بالغو وګړو په سلو د اویاوو لپاره بسنه کوي.
د اروپایي کمېسیون مشرې اورزولا فون دیرلاین په دې اړه نن شنبه (د چنګاښ په ۱۹مه نېټه) په څرګندونو کې دغه راز له غړیو هېوادونو وغوښتل چې د کرونا ضد واکسینونو کمپاین ګړندی کړي.
هغې زیاته کړه چې تر سبا به د اروپايي ټولنې په ټولو غړیو کې پنځه سوه میلیون ډوزه واکسین وویشل شي.
د اروپایي ټولنې د ۲۷ غړیو هېوادونو یو شمېر یې د نورو په نسبت دغه بهیر په چټکۍ مخ ته وړي، خو فون دیرلاین وویل چې په دې برخه کې اروپایي ټولنې خپله ژمنه عملي کړه.