- ګارډین
ګارډین ورځپاڼې په افغانستان کې سولې او جګړې ته پام کړی دی.
د مقالې په یوه برخه کې راغلي چې د جمعې په ورځ له بګرام هوایي اډې څخه د امریکایانو له وتلو سره په افغانستان کې د امریکا نظامي حضور ته واقعاً د پای ټکی کېښودل شو.
د امریکا ولسمشر جو بایډن ویلي چې له افغانستانه د امریکايي ځواکونو وتل نهدي بشپړ شوي او د روان کال د سپټمبر په ۱۱مه به دا بهیر بشپړ شي.
د ګارډین ورځپاڼې د لیکوال په باور، هر څه چې وشي له لا زیاتو وژنو او غمونو څخه ډډه به ممکنه نهوي.
په مقاله کې راغلي چې له افغانستانه د امریکايي ځواکونو د بشپړ وتلو په صورت کې هم دا هېواد نهشي کولای د مسئولیت له یوې برخې وتښتي.
تر دې مخکې ولسمشر جو بایډن، له افغان ولسمشر اشرف غني سره ژمنه کړې وه چې امریکا د افغانستان ترڅنګ پاته کېږي او د دې هېواد له امنیتي، دفاعي او ملکي ادارو سره به ملاتړ ته دوام ورکړي.
په کابل کې د امریکا سفارت سرپرست او شارژدافیر راس وېلسن ویلي چې باید په افغانستان کې د دوو لسیزو د لاسته راوړنو د خوندیتوب لپاره تر اخري نفسه مبارزه وشي.
وېلسن پر خپله ټویټرپاڼه د امریکا د خپلواکۍ د ورځې په مناسبت لیکلي چې په افغانستان کې د سولې د تأمین لپاره باید له ټولو امکاناتو کار واخیستل شي.
- لاس انجلس ټایمز
لاس انجلس ټایمز ورځپاڼې په افغانستان کې د سندرغاړو وضعیت ته کتلي دي.
په مقاله کې راغلي چې موسیقي پوهان د طالبانو د واکمنۍ پر مهال له خطر سره مخامخ وو او ښايي اوس هم یو ځل بیا د دوی غږ چپ کړل شي.
لیکوال په افغانستان کې روان وضعیت ته پام کړی او لیکلي يې دي چې طالبانو په دې وروستیو کې د افغانستان په بېلابېلو سیمو کې ګڼ ولسوالۍ نيولې دي.
ورځپاڼې د کابل په خرابات سیمه کې د یوه رباب جوړوونکي عکسونه خپاره کړي دي.
هغه ورځپاڼې ته ویلي چې که طالبان یو ځل بیا واکمن شي، د موسیقۍ د هنرمندانو کار به ودروي.
د بېلابېلو سیمو یو شمېر سندرغاړو ازادي راډيو ته هم ویلي چې له افغانستانه د امریکايي ځواکونو له وتلو سره دوی اندېښمن دي چې نور به خپل فعالیت ونهکړای شي.
موسیقي او سندرې ویل د طالبانو د واکمنۍ پر مهال منع وو.
په کابل کې یوه رباب جوړوونکي ورځپاڼې ته ویلي چې کهیې رباب ورڅخه واخیستل شي، دی به څه کوي.