د روغتیا نړیوال سازمان وايي، د رسمي شمېرو پرتله، ښايي په نړۍ کې په کرونا ویروس درې برابره زیات کسان مړه شوي وي.
د دغه سازمان مرستیال مشرې سمیرا اسما دا خبره نن د خپلې ادارې د کلني راپور خپرېدو پر مهال خبریالانو ته وکړه.
هغې ویلي، د مړو شمېر ښايي تر رسمي ارقامو دوه یا درې برابره زیات وي.
د ملګرو ملتونو دغې ادارې په رسمي ډول تر روانې میاشتې په نړۍ کې په مستقیم ډول د کرونا ویروس له کبله د ۳،۴ ملیونو کسانو مړینه ثبت کړې ده.