اروپایي ټولنه وایي، چین او روسیه د کرونا ضد لویدیځو واکسینونو په اړه ناسم معلومات خپروي او دولت په ملاتړ د خپل وکسین دودولو ته هڅه کوي.
د اروپایي ټولنې یوه راپور کې چې پرون چهارشنبه (د غويي ۸مه) خپور شو راغلي، د " واکسین دا ډيپلوماسي" د دغې ټولنې موسسو او لویدیځو واکسینونو ته زیان اړوي.
د اروپایي ټولنې په راپور کې راغلي، روسي رسنۍ، چارواکي او شرکتونه د سپوټنیک وي واکسین لپاره تبلیغات کوي او ورته وخت کې له دښمنۍ ډک پيغامونه ورکوي چې لویدیځ د دوی د دغه واکسین د تخریبولو هڅه کوي.
په راپور کې راغلي، چین هم په دې پلمه خپل واکسین دودوي چې وایي، د دوی واکسین مخ پر ودې هېوادونو او د بالکان لویدیځو هېوادونو ته مناسب دی.
اروپایي ټولنه وایي، چین د لویدیځو هېوادونو د واکسینونونو په تړاو منفي تبلیغات کوي.
دا په داسې حال کې ده چې هنګري چې د اروپایي ټولنې غړی دی د روسیې او چین تولید شوی واکسین کاروي او جرمني او اتریش هم ویلي چې له مسکو سره په همدې تړاو خبرې کوي.