په ولسي جرګه کې د ننګرهار د خلکو استازې ارین یون وایي، د دغه ولایت امنیتي چارواکي د امنیت له ټینګښته عاجزه دي.
اغلې یون دا خبره په ننګرهار کې د یوې ښځینه پولیسې د وژنې په غبرګون کې له ازادي راډیو سره په مرکه کې وکړه.
یون زیاتوي چې ننګرهار د دې په خبره د مافیايي کړیو له خوا نا امنه شوی او حکومت جدي پاملرنه نه ورته لري.
ننګرهار دا وروستۍ ورځې په ښځو باندې د څو هدفي بریدونو شاهد دی.
د ازادي راډیو خبریال صفي الله ستانکزي له ارین یون سره خبرې کړي او لومړۍ پوښتنه یې دا ده چې ولې او څوک د ننګرهار مخکښې ښځې هدف ګرځوي؟
دا مرکه د لاندې تړوني په کېکاږلو سره اوریدلی شئ:
