د اسراییل صدراعظم وايي، په دغه هېواد کې نږدې ۴ لکه تنو ته د کورونا ضد واکسین ورکړل شوی دی.
بنیامین نتانیاهو پرون (دوشنبه) وویل، په تېرو ۸ ورځو کې، چې په هېواد کې یې د کرونا پر ضد واکسیناسیون پیل شوی، ۳۷۹ زره تنو ته واکسین پیچکاري شوي دي.
اسراییل ۹ میلیونه او ۲ لکه پنځوس زره نفوس لري.
د راپورونو پر اساس، له اسراییل وروسته تراوسه پورې په بحرین، بریتانیا، امریکا، روسیې، کاناډا او چین کې د نفوس په تناسب ډېرو کسانو ته د کرونا پر ضد واکسین ورکړل شوی دی.
د اسراییل د روغتیا وزیر پولي ادالشتین امر کړی چې په روانه اوونۍ کې دې هره ورځ ۱۵۰ زره تنو ته د کرونا پر ضد واکسین ورکړل شوي.