- سټارز انډ سټرایپس
سټارز انډ سټرایپس ورځپاڼې پر کابل ښار د پرونیو راکټي بریدونو په اړه لیکنه خپره کړې او هغهیې پر دغه ښار له تېرو راکټي بریدونو سره ورته بللي چې درې اوونۍ پخوا شوې وې.
د تېرو بریدونو مسؤلیت داعش سختدریځې ډلې په غاړه اخیستي وو.
د ورځپاڼې پر اساس، داعش پر دې سربېره چې په افغانستان کې د وررستۍ میاشتې د خونړیو بریدونو مسؤلیت په غاړه اخیستی، د کابل پوهنتون د حملې مسؤلیت هم منلی چې ۲۲ تنه محصلان پهکې ووژل شول.
ورځپاڼه زیاتوي، طالبانو هم چې د افغانستان له دولت سره په خبرو بوخت دي حملې کمې کړې نهدي.
- د بېپولې خبریالانو ټولنه
د بېپولې خبریالانو ټولنې بیا په خپله وېبپاڼه کې په افغانستان کې د خبریالانو پر ضد د حملو د زیاتېدو یادونه کړې او لیکلي یې دي چې د افغانستان د خبریالانو ټولنې د نومبر په ۱۸مه په یوه لیک کې د افغان خبریالانو د امنیت په اړه خپله اندېښنه د ملګرو ملتونو له امنیت شورا سره شریکه کړې ده.
په دغه لیک کې له امنیت شورا غوښتل شوي چې پر خبریالانو د حملو د مخنیوي لپاره دې جدي اقدامات وشي.
دا لیک د بېپولې خبریالانو، د افغانستان د خبریالانو د خوندیتوب د کمېټې او د خبریالانو د ملاتړ نړیوال سازمان له لوري په افغانستان کې د ملګرو ملتونو مرستندوی دفتر ته سپارل شوی دی.
د بېپولې خبریالانو ټولنې لیکلي، په افغانستان کې د رسنیو د ملاتړ ادارې ټینګار کوي چې د نړیوالو نورمونو، د بشري حقونو د نړیوالو ژمنو او تر ټولو مهم د جنیوا د کنوانسیون پر اساس باید رسنۍ او خبریالان له پوځي حملو خوندي وي.
په افغانستان کې په وروستیو کې د ازادي راډیو د خبریال الیاس داعي په شمول څو خبریالان ووژل شول.
د بېپولې خبریالانو ټولنې ویلي چې د افغانستان د حکومت له لوري ځیني اقدامات شوي، خو د خبریالانو پر ضد د تاوتریخوالو د مخنیوي او د هغو د قاتلانو د قانوني تعقیب لپاره هلې ځلې کافي نهدي.