ددې اونۍ د ښځو لپاره د ازادي راډیو ځانګړې د 'نیمې نړۍ' د ښځو پر وړاندې تاو تریخوالی ته ځانګړې شوې.
په افغانستان کې د ښځو او نجونو پر وړاندې له تاوتریخوالو څخه یو یې جنسي تیری دی چې وخت ناوخت یې له رسنیو څخه د رپوټونو شاهدان یو.
د جنسي تېریو رپوټونه نه یوازې د نا امنه سیمو څخه اورېدل کېږي؛ بلکې د هېواد د بېلابېلو سیمو څخه رپوټ شوي دي.
- په افغانستان کې پر ښځو او نجونو د جنسي تېري عمده لاملونه کوم دي؟
- په اټکلي ډول څو سلنه، د جنسي تیري سره مخ شوې ښځې او نجونې خپلې قضیې علني کوي او دولتي ادارو ته مراجعه کوي؟
- ولې په افغانستان کې د جنسي تیریو یو شمېر قربانیانې نه غواړي چې خپل شکایت پولیسو يا هم عدلي او قضایي ارګانونو سره ثبت کړي؟
ازادي راډیو په دې خپرونه کې هڅه کړې ده چې دغو ټولو پوښتنو ته ځوابونه پیدا کړو.
دا خپرونه نوريې جبارخېل جوړه کړې او تاسو یې د لاندې لېنک په کېکاږلو سره اورېدلای شئ:
