په ایران کې د افغانستان سفیر عبدالغفور لېوال وايي، ایراني چارواکو ژمنه ورکړې چې په یزد ولایت کې د افغانانو په وژلو کې لاس لرونکي به د قانون منګولو ته وسپاري.
په ایران کې د افغانستان سفیر وايي، ایراني چارواکي ورته ویلي چې د دغه هېواد په یزد ولایت کې به د وژل شویو افغان پناه غوښتونکو د موټر چلوونکی ونیسي.
د تېرې اوونۍ د چهارشنبې په ورځ د ایران پولیسو پر هغه موټر ډزې وکړې چې افغان وګړي په کې سپاره وو.
تر ډزو وروسته موټر اور واخیست او بیا د سړک د غاړې له کټارې سره ټکر شو.
په دې پېښه کې ۳ افغانان وژل شوي او ۸۵ نور ټپیان شوي دي.
په ایران کې د افغانستان سفیر تاییدوي چې ایراني پولیسو ټپیان په روغتون کې زولانه کړي وو.
ښاغلي لېوال دا خبره له عصمت څاروان سره په دې مرکه کې وکړه چې د لاندې لینک په کېکاږلو سره یې اورېدلی شئ:
