جرمني او فرانسې د کرونا ویروس تر خپرېدو وروسته د اروپايي ټولنې د غړو هېوادونو د اقتصادي ژغورنې لپاره د ۵۰۰ میلیونه یورو په ارزښت د یوه مرستندوی صندوق د جوړېدو غوښتنه وکړه.
د فرانسې ولسمشر امانوئل مکرون پرون دوشنبه وویل چې اروپايي کمېسیون ته به اجازه ورکړل شي چې د اروپايي ټولنې په نوم اقتصادي بازارونو ته پور واخلي.
بلخوا د جرمني صدراعظمې انګلا مېرکل هم پرون وویل چې د اروپا د نجات له صندوق څخه اخیستل شوې پیسې دې په اوږد مهال کې بېرته ورکړل شي.
د کرونا ویروس تر خپرېدو وروسته په اکثرو اروپايي هېوادونو کې کار و بار له ستونزو سره مخامخ دی او په ځینو هېوادونو کې د اقتصادي رکود د احتمال خبره هم مطرح شوې ده.
ځینو هېوادونو په تېرو دوو اوونیو کې محدودیتونه یو څه راکم کړي، خو لا هم د مارکېټونو وضعیت نهدی عادي شوی.