د ولسمشر محمد اشرف غني په مشرۍ د "دولت جوړوونکي" ټیم یو غړی داوود سلطانزوی وايي، د "ثبات او همپالنې" ټاکنیز ټیم باید د افغانستان د خلکو ارادې ته غاړه کېږدي او د انتخاباتو خپلواک کمېسیون پرېکړه ومني.
ښاغلی سلطانزوی د خپل ټیم د بریا په اړه وايي چې د دوی د څارونکو د اټکل له مخې تمه همدا وه چې دغه ټیم به ګټونکی وي.
له ښاغلي سلطانزوی سره اجمل تورمان مرکه کړې او په سر کې یې د ټاکنو د کمېسیون د پرېکړې په اعلان چې پر بنسټیې محمد اشرف غني بیا ځلې د راتلونکو پنځو کلونو لپاره ولسمشر اعلان کړ، ترې پوښتلي دي:
