د بلوچستان ايالت په لورالايي کې د پښتون ژغورنې غورځنګ يا (PTM) د مخکښ غړي ارمان لوڼي د وژل کېدو د کال د پوره کېدو په مناسبت اعتراضيه غونډې شوې دي.
دغه غونډې د بلوچستان د مرکز کوټې، ږوب، قلعه سيف الله، موسى خېلو او دوکۍ په ګډون په بېلابېلو سيمو کې وشوې.
د ارمان لوڼي خور وړانګه لوڼۍ وايي د کال تر بشپړېدو وروسته هم حکومت د قاتلانو په وړاندې اقدام نه دى کړى.
د وړانګې لوڼۍ په خبره حکومت د پوليسو د هغه افسر دندې ته ارتقا ورکړې چې د ارمان په وژنې تورن دى.
صالح محمد صالح د مرکې په پيل کې له وړانګې لوڼۍ پوښتنه کړې، چې د کال تر بشپړېدو وروسته د حکومت او نورو خپلواکو ادارو پلټنې او تحقيقات کوم ځاى ته ورسېدل؟
د دې مرکې د اورېدو لپاره لاندې لینک کېکاږئ:
