د افغانستان د عامي روغتیا وزارت وایي چې په پکتیا کې د پولیو واکسین د تطبیق د یوه همغږي کوونکي د وژلو د څرنګوالي په اړه څیړنې دوام لري.
د دې وزارت د پولیو د محوه کولو د پروګرام مسوول ډاکتر هدایت الله ستانکزي د چهارشنبې په ورځ ازادي راډیو ته وویل، دوی فکر کوي چې ممکن دا کس د شخصي دښمنۍ او یا هم قومي مسایلو له امله وژل شوی وي.
د پکتیا سیمه ایزو چارواکو ویلي چې دا کس په ځاځي آریوب ولسوالۍ کې د دوشنبې په ورځ وژل شوی.
په دې اړه له ښاغلي ستانکزي سره نسیم شفق مرکه کړې چې د لاندې لېنک په کېکاږلو سره یې اورېدلی شئ:
