په ننګرهار کې د ناکامورا په نوم د سوک وهنې سیالۍ پای ته ورسیدې.
دا سیالۍ د افغانستان د المپیک د ملي کمېټې له لوري د ډاکتر ناکامورا د خدمتونو د درناوې په پار پیل شوې وې چې تېره ورځ ناوخته د کابل د لوبغاړو په اتلولۍ پای ته ورسېدې.
د افغانستان د المپیک ملي کمیټې د مطبوعاتو مسوول مجیب قاري زاده ازادي راډيو ته وویل دا سیالۍ د کابل او ننګرهار د لوبغاړو تر منځ د یوې ورځې لپاره ترسره شوې.
په دې سیالیو کې له کابله میوند اختري، سیف الله او محمد حمزه د اتلولۍ په ګټلو سره د سرو زرو مډالونه خپل کړل.
دغه شان محمد حبیب الله، خیبر الله او شهامت له ننګرهار ولایت نه بیا دویم ځایونه خپل کړل.