په کابل کې د معتادينو د درملنې څلوېښت بستريز روغتون ډاکټران وايي چې دوی د نورو خدمتونو تر څنګ له روغتون څخه دباندې د نشه يي موادو د زيانونو په اړه د عامه پوهاي پروګرامونه هم لري.
دغه مرکز ته اکثره هغه معتادين راځي چې د افغانستان له ګاونډيو هېوادونو راستانه شوي، د نشو له زيانونو څخه ناخبره او يا يې د بې کارۍ له وجې نشو ته مخه کړې وي.
دا چې په دې روغتون کې د معتادينو د درملنې لپاره څه ډول اسانتياوي شته او په کومو لارو چارو د معتادينو درملنه کوي، په دې اړه زموږ همکار فريد حليمي د دې روغتون له اجتماعي کارپوه نويد عابدزي سره مرکه کړې او په پيل کې يې پوښتلی چې دوی په خپل روغتون کې د معتادينو لپاره کومې اسانتياوي لري؟
