د تاجکستان چارواکي وایي، له ازبکستان سره پر پوله ددغه هېواد پر یوې امنیتي پوستې برید د اسلامي دولت (داعش) ډلې هغو وسله والو کړی چې د افغانستان د کندوز ولایت له قلعه ذال ولسوالۍ ورغلي وو.

دا خبره د تاجکستان د ملي امنیت دولتي کمېټې د رسنیو دفتر نن په یوه بیان کې کړې ده چې روسي خبري آژانسونو خپور کړی.

په بیان کې ویل شوي چې دغه وسله وال د روانې میاشتې په پیل کې د افغانستان له پولې تېر شوي او د یوه ځانګړي ماموریت د ترسره کولو لپاره تاجکستان ته ورغلي و.

تاجکستاني چارواکي وایې، داعش وسله والو تېره شپه درې بجې (نومبر ۶مه) د تاجکستان او ازبکستان پر پوله پر یوې سرحدي پوستې په برید کې یو سرحدي ساتونکی او یو پولیس افسر وژلي دي.

د تاجکستان د ملي امنیت کمیټه زیاتوي، په متقابلو ډزو کې ۱۵ برید کوونکي وژل شوي او ۵ نور یې ژوندي نیول شوي دي.

د دغه هېواد د کورنیو چارو وزارت په راپور کې راغلي چې د برید ګرې ډلي څلور موټر هم له منځه وړل شوي دي.

په دې اړه نورجزیات نه دي ورکړل شوي او د اسلامي دولت ډلې هم چې د رویترز خبري آژانس د راپور له مخې په دې وروستیو میاشتو کې یې په تاجکستان کې د یوشمېر حملو مسولیت اخیستی، تراوسه د دې حملې په تړاو څه نه دي ویلي.

د دې پېښې په اړه هغه تصویرونه چې د تاجکستان د ملي امنیت د دولتي کمېټې د رسنیو دفتر خپاره کړي، پکې د یوه ویجاړ شوي موټر په خوا کې درې جسدونه ښکاري چې د داعش په بڼه تورې جامې یې پر تن او ډېر سوځیدلې دي.

د رویټرز د راپور له مخې د اسلامي دولت ډلې تېرکال په تاجکستان کې د څلورو لویدیځوالو بایسکل ځغلوونکو د وژلو او په مې میاشت کې په یوه زندان کې د هغې بلوا چې لسګونه کسان پکې ووژل شول، مسولیت اخیستی و.

مسکو اعلان کړی چې د امریکا او روسیې ترمنځ د کړکیچ کمولو د هڅو په لړ کې به واشنګټن ته نوی سفیر واستوي.

د روسیې د بهرنیو چارو وزارت د جمعې په ورځ (۱۰ حوت) وویل چې امریکایي لوري د پنجشنبې په ورځ په ترکیه کې په یوه ناسته کې د روسیې د نوي سفیر په توګه د الکساندر دارچی‌یف د ټاکلو لپاره د تایید اشاره ورکړې ده.

تر دې وړاندې، دواړو لوریو اعلان کړی و چې په استانبول کې یې د هغو اقداماتو پر سر توافق کړی، چې د دوی د سفارتونو او قونسلګریو پر فعالیتونو اغېز لري.

روسیې همداراز وړاندیز کړی، چې د دواړو هېوادونو ترمنځ مستقیمې الوتنې، چې د اوکراین د جګړې له پیل راهیسې بندې شوې دي، بیا پیل شي.

د هغو دولسو پاکستاني وګړو مړي پرون (د کب ۱۰مه) پاکستان ته ورسېدل چې کشتۍ یې له غیرقانوني لارو اروپا ته د سفر پرمهال څه موده مخکې د لیبیا سواحلو ته نژدې ډوبه شوې وه.

پاکستاني چارواکي وايي د پېښې د ټولو قربانیانو شمېر ۱۶ تنه وو خو ۱۲ مړي پرون دې هېواد ته ورسېدل. د دې چارواکو په وینا د ۴ نورو قربانیانو مړي به هم ډېرژر پاکستان ته ورسېږي. د اشفاق احمد په نوم یوه سیمه ایز چارواکي ویلي چې د نهو کسان مړي د خیبرپښتونخوا کرمې ولسوالۍ ته انتقال شوي دي.

د پاکستان د بهرنیوچارو وزارت وايي چې په کشتۍ کې ټول شپېته تنه پاکستانیان سپاره وو چې ۳۷ تنه نور یې ژغورل شوي دي.

اروپا ته د غیرقانوني کډوالو د سفر لارې خورا ډېرې خطرناکې دي او نه یوازې په سمندر بلکې په وچه کې هم هرکال زرګونه کسان مړه او ټپیان کېږي.

مسکو اعلان کړی چې د امریکا او روسیې ترمنځ د کړکیچ کمولو د هڅو په لړ کې به واشنګټن ته نوی سفیر واستوي.

د روسیې د بهرنیو چارو وزارت د جمعې په ورځ (۱۰ حوت) وویل چې امریکایي لوري د پنجشنبې په ورځ په ترکیه کې په یوه ناسته کې د روسیې د نوي سفیر په توګه د الکساندر دارچی‌یف د ټاکلو لپاره د تایید اشاره ورکړې ده.

تر دې وړاندې، دواړو لوریو اعلان کړی و چې په استانبول کې یې د هغو اقداماتو پر سر توافق کړی، چې د دوی د سفارتونو او قونسلګریو پر فعالیتونو اغېز لري.

روسیې همداراز وړاندیز کړی، چې د دواړو هېوادونو ترمنځ مستقیمې الوتنې، چې د اوکراین د جګړې له پیل راهیسې بندې شوې دي، بیا پیل شي.

په قاهره کې د اسراییل او د حماس د افراطي ډلې ترمنځ غیرمستقیم مذاکرات پیل شوي، څو د غزې د اوربند د دوهم پړاو د موافقې د سقوط مخه ونیسي.

د اوربند لومړی پړاو، چې ۴۲ ورځې یې دوام درلود، نن (شنبې، د حوت ۱۱) پای ته رسیږي.

تمه وه چې اسراییلي ځواکونه په همدې ورځ د فیلادلفي له محور څخه د وتلو لړۍ پیل کړي او دا بهیر په اتو ورځو کې بشپړ کړي.
خو د اسراییل د صدراعظم دفتر اعلان کړی چې دا کار به ونه شي.

حماس د امریکا او اروپایي اتحادیې له خوا ترهګره ډله ګڼل کېږي، خو د دې ډلې ګڼ مشران په قطر کې اوسي.

مصر، چې له حماس سره نژدې اړیکې لري، له امریکا سره یې د اوربند د لومړي پړاو په ترلاسه کولو کې همکاري کړې وه.

دوو مصري سرچینو د جمعې په ورځ (۱۰ حوت) رویټرز خبري اژانس ته ویلي چې اسراییل د ۴۲ نورو ورځو په مخه د اوربند د لومړي پړاو د غځولو نیت لري او د همدې هدف لپاره یې د قاهرې په مذاکراتو کې ګډون کړی.

یوشمیرسرچینو لږ مخکې مشال راډیو ته تایید کړه چې حامدالحق د ټپونو له امله مړ شو.

یوشمیررسنیو د ځینو نورو سرچینو له قوله دا یوه ځانوژونکې حمله بللې او پکې د وژل شویو کسانو شمیریې لږترلږه پنځه تنه ښودلی و.

د سیمه ییزو پولیسو یوه افسر امجد محمد د جرمني خبري اژانس ته وویل چې بم چاودنه د حقانیه مدرسې د ودانۍ د انګړپه جومات کې هغه مهال وشوه چې لمونځ کونکو د جمعې لمونځ کاوه.

په سیمه کې د ژغورنې د ادارې مشر بلال فیضي دې آژآنس ته وویل چې ژغورنکو د جومات له دننه لږترلږه شل ټپیان او مړي لیږدولي دي.

هغه ویلي تراوسه موږ ته نده څرګنده چې څویې مړه او څومره نور یې ټپیان دي.

تراوسه پورې چا یا کومې ډلې د دغه برید مسولیت ندی اخیستی.

مولانا حامدالحق د خپل پلار له مړینې وروسته د دې دارالعلوم مهتمم و.

په دې سره د ۲۰۲۵ کال د پیل راهیسې په پاکستان کې د پولیو د ثبت شویو مثبتو پیښو شمیر پنځو ته ورسید.

تیر۲۰۲۴ کال په دې هیواد کې د پولیو ۷۴ مثبتې پیښې ثبت شوې وې.

په سیند او پنجاب ایالتونو کې د پولیو دغه نوې پیښې داسې مهال ثبت شوي چې روغتیاپالان نن جمعه د ورځې په پای کې د ګوزڼ یا پولیو د سرایت په لوړ خطر لرونکو سیمو کې د پولیو د واکسین کمپاین پای ته رسوي.

چارواکو هیله څرګنده کړې چې د پولیو په دغه پنځه ورځني کمپاین به له پنځو کلونو کم عمره ۴۴،۲ ملیونه ماشومان واکسین کړي.

له دغه کمپاین سره هم مهاله پرون پنجشنبه په افغانستان کې هم د پولیو د واکسین څلورورځنی کمپاین په ۱۶ ولایتونو کې پای ته ورسید. تیره اونۍ سیمه ییزو چارواکو په بادغیس ولایت کې د پولیو د یوې مثبتې پیښې د ثبتیدو خبر ورکړ.

افغانستان او پاکستان په نړۍ کې هغه دوه هیوادونه دي چې د پولیو ناروغۍ پکې تراوسه له منځه نده تللې.

ګوزڼ یا پولیو هم هم ناعلاجه ساري ناروغي ده چې له خطره یې یو ماشوم یوازې د واکسین په وسیله بچ کیدای شي.

تمه کیږي چې د بحث یوه مهمه موضوع به پرهغه تړون متمرکزه وي چې متحده ایالاتو ته په اوکراین کې د معدني زیرمو په شمول د ځمکې کمیابه عناصروته لاسرسی ورکوي.

پردې تړون له څو اونیو راهیسې خبرې شوې او ټرمپ ویلي چې زیلینسکي به په واشنګټن کې د دې سند لاسلیک کولو ته چمتو وي.

ولسمشر ټرمپ، چې څه باندې یوه میاشت وړاندې سپینې ماڼۍ ته بیرته ستون شوی له اوکراین سره د امریکا مرستې یې د دې هیواد د ځمکې نادرو زیرمو ته په لاسرسي پورې تړلې دي.

دغه زیرمې له اقتصادي پلوه ګټورې اوله ستراتیژیکې پلوه مهمې ګڼل کیږي.

د رویترز خبري آژانس د راپور له مخې ولسمشر ټرمپ چې د اوکراین د ولسمشرپه اړه یې مخکې ستوغې خبرې کړې وې او هغه یې ډیکټاټور یاد کړی و پرون پنجشنبې په واشنګټن کې د بریتانیا له صدراعظم کایر سټارمر سره له کتنې وروسته په یوه ګډه خبري غونډه کې وویل چې دی له زیلینسکي سره ډیرې ښې اړیکي لري.

اوکراین هیله من دی چې دا تړون به ټرمپ وهڅوي چې د روسیې لخوا د لاندې کړو سیمو د بیرته نیولو لپاره د کیف د هڅو ملاتړ وکړي.

دا تړون به همدارنګه وکولی شي په کانګرس کې د جمهوري غوښتونکو ملاتړ ترلاسه کړي چې له دې جګړه ځپلي هیواد سره نورې مرستې وکړي.

په دې اړه د امریکا او اوکرایین ولسمشرانو خبرې اترې کړي او ابتدايي طرحه يې اماده شوې خو لا تراوسه په رسمي ډول لاسلیک شوی نه ده.

د اوکرایین کابینې په هغه بیان کې چې د پنجشنبې په ورځ د (فبروۍ ۲۷مه) يې خپور کړی ویلي، د اقتصاد وزیر یولیا سویرینکو او د بهرنیو چارو وزیر اندري سیبیها ته يې اجازه ورکړې چې دا هوکړه لیک لاسلیک کړي.

تمه ده نن جمعه د اوکرایین ولسمشر ولادیمیر زلنیسکي پر دې هوکړه لیک د نظارت او د امریکا له ولسمشر ډونالډ ټرمپ سره د لیدو په موخه واشنګټن ته لاړ شي.

اتکل کیږي چې زلنیسکي به په دې لیدنه کې هڅه وکړي په سیاسي او پوځي برخه کې د اوکرایین لپاره د امریکا ملاتړ ترلاسه کړي.

د اوکرایین ولسمشر فرانس پرس خبري اژانس ته ویلي، دا هوکړه لیک هغه سند دی چې د امریکا او اوکرایین ترمنځ به په راتلونکې کې نورو همکارو ته لار خلاصه کړي.

د هغه په ټکو، د دغه هوکړه لیک په اړه د اوکراییني او امریکايي چارواکو ترمنځ خبرې روانې دي.

د چمپینز ترافۍ یا اتلانو جام د لوبو په ترڅ کې نن په اې ګروپ کې کوربه پاکستان له بنګله دیش سره لوبه کوي.
دغه لوبه د افغانستان په وخت د ماسپښین په یوه نیمه بجه د راولپنډۍ په کریکټ لوبغالي کې پيلیږي.

پاکستان او بنګله دیش دواړو خپلې دوه لومړنۍ لوبې بایللي دي.

بل لورته افغانستان سبا جمعه په دغه جام کې خپله دریمه لوبه له استرالیا سره کوي.

افغانستان پرون په خپله دویمه لوبه کې انګلستان ته په یوه هیجاني لوبه کې ماته ورکړه.

د جنوبي کوریا استخباراتي ادارې وایي، شمالي کوریا روسیې ته نور پوځي سرتیري هم استولي دي.

دوی د پنجشنبې په ورځ ( د کب نهمه) وویل چې د دغو پوځیانو یوشمېر یې له اوکراین سره پر پوله کورسک سیمه کې ځای پر ځای شوي دي.

د جنوبي کوریا YTN تلویزیون د خپل هېواد د استخباراتي ادارو په حواله راپور ورکړی چې روسیې ته د تازه دمه استول شویو کوریایي پوځیانو شمېر معلوم نه دی.

تر دې وړاندې جنوبي کوریا او لویدیځو هېوادونو ویلي وو چې شمالي کوریا تېر کال شاوخوا ۱۱ زره سرتیري روسیې ته لیږلي وو چې د اوکراین په ضد جګړه کې ورسره مرسته وکړي.

په اوکراین کې د روسیې جګړه روانه اونۍ ( د فبرورۍ په ۲۴مه) څلورم کال ته واوښته.