د افغانستان د ټاکنو خپلواک کمېسيون وايي هڅه کوي د تلې ۶مې د ولسمشرۍ ټاکنو لومړنۍ او نهايي نتيجې پر وخت اعلان کړي. د چارواکو په خبره، په کمېسیون کې يو لړ تخنيکي ستونزې شته، خو دوى يې د حل هڅه کوي.
تر دې مخکې د ټاکنو خپلواک کمېسيون يوه کمېشنر ويلي و، له بايومټريک دستګاوو د معلوماتو د انتقال ورو بهیر ښايي د ټاکنو د ابتدايي نتيجو د ځنډ سبب شي.
صالح محمد صالح د ټاکنو خپلواک کمېسيون د دارالانشاء له رئيس حبيبالرحمن ننګ سره مرکه کړې او په پيل کې يې ترې پوښتلي چې ايا له ولايتونو د ټولو موادو د انتقال پروسه له مهالوېش سره سمه بشپړه شوې ده؟
