د جلال اباد په درېیمه ناحیه کې د الکترونیکي تذکرو د وېش پر مرکز په حمله کې څلور تنه وژل شوي او دولس تنه زخمیان شوي دي.
د ننګرهار والي شاه محمود میاخېل ویلي چې درې حمله کوونکي هم وژل شوي دي.
میاخېل پرون د سپټمبر په اتلسمه په یوه ویډیويي پیغام کې چې رسنیو ته استول شوی، د تلفاتو په اړه ویلي: متاسفانه زموږ دوه پولیس او دوه ملکي وګړي شهیدان شوي، یو پولیس زخمي دی، دولس کسه مامورین او ملکي وګړي سطحي زخمي شوي وو، خو یوازې درې مامورین او یو ماشوم لا په روغتون کې بستر دي، نور ټول خارج شوي دي.
په ننګرهار کې چارواکي وايي چې امنیتي ځواکونو د حملې له ځایه پنځوس مامورین او یو شمېر ملکي خلک چې هلته د تذکرو لپاره ورغلي وو، وژغورل.
په جلال اباد کې د پرونۍ حملې مسؤلیت چا نه دی اخیستی.
خو وسله وال طالبان او د د اعش ډله په ننګرهار کې فعالیت لري.