د دې اوونۍ د مخکښې ښځې په خپرونه کې د افغانستان د نوښت، سولې او پرمختګ موسسې مشره صفیه صدیقي مو مېلمنه ده.
هغه تر دې مخکې په ولسي جرګه کې د ننګرهار د خلکو استازې وه، د دې تر څنګ د ښځو چارو په وزارت کې د پلان او پالېسۍ رئیسه او د کلیو او پراختیا وزارت مشاوره پاتې شوې او د کار او ټولنیزو چارو وزارت په کلیدي پست کې یې کار کړی دی.
اغلې صدیقي د کابل پوهنتون د حقوق او سیاسي علومو له پوهنځي فارغه شوې.
نوموړې له پاکستانه په پښتو ادبیاتو او مدیریت او تجارت برخو کې دوه ماسټرۍ لري.
هغه د پښتو ژبې تکړه شاعره او لیکواله ده چې تر اوسه یې ۷ ادبي اثار چاپ او خپاره شوي او ۷ نور کتابونه یې چاپ ته اماده دي.
دا چې هغې په ژوند کې نور کوم فعالیتونه ترسره کړي، په دې خپرونه کې به یې واورئ.
دا خپرونه د ازادي راډيو خبریاله فرشته غني جوړوي چې د لاندې لېنک په کېکاږلو سره یې اورېدلی شئ:
