د افغانستان د جمهوري ریاست د راتلونکو انتخاباتو په اړه د ازادي راډیو «زما رایه زما حق» ځانګړې خپرونو د دې اوونۍ بحث مو د ولسمشر محمد اشرف غني کاري مودې پای ته رسېدو په اړه حقوقي ارزونې او څرنګوالي ته ځانګړې کړې.
د افغانستان د اساسي قانون د ۶۱مې مادې پر اساس، د جمهور رئیس دنده د پنځم کال د جوزا په لومړۍ ڼېته پای ته رسېږي او انتخابات باید د جوزا له لومړۍ نېټې مخکې په دېرشو یا شپېتو ورځو کې ترسره شي.
د افغانستان سترې محکمې د اپریل په ۱۲مه د بل ولسمشر تر ټاکلو د ولسمشر محمد اشرف غني د کار موده تمدیده کړه.
د افغانستان د جمهوري ریاست د کاندیدانو شورا او ځینې نور کاندیدان وايي، دا چې د ملي وحدت حکومت موده بشپړه شوې، نو دغه حکومت سر د جوزا له لومړۍ نېټې وروسته دوی ته قانوني مشروعیت نهلري.
دوی وايي چې مدني نافرمانۍ پیل کړي او د قانون د حاکمیت لپاره به د کابل په ګډون په ټول افغانستان کې سولهییز لاریونونه پيل کړي.
- دا چې لاریونونه به څه ډول وي؟
- ایا رښتیا هم له حقوقي پلوه د ولسمشر غني کاري موده پای ته رسېدلې؟
دا مسایل مو په همدې پروګرام کې څېړلې، دا پروګرام رحمت الله افغان چمتو کړی چې د لاندې لېنک په کېکاږلو سره یې اورېدلی شئ:
