ناهید حمیدي هغه افغانه سوداګره ده چې د قیمتي ډبرو او زېوراتو د جوړېدو او پلور په برخه کې فعالیت لري.
ناهید له دې سره د افغان ښځو د سوداګرۍ او صنایع خونې د بورډ غړې هم ده.
له کلونو راهیسې یې دا سوداګري پیل کړې او زیاتره وخت بهرنیو هېوادونو ته هم قیمتي ډبرې او غمي صادروي.
نوموړې وایي اکثره پېرودونکي یې بهرنیان دي.
اغلې حمیدي په هند کې د تجارت په برخه کې د ماسترۍ تر کچې زدهکړې کړي او د قیمتي ډبرو د پېژندلو او پروسس په برخه کې یې هم روزنه لیدلې ده.
هغه د «شګرف» په نوم د یوه تولیدي شرکت مشره هم ده.
دغه خپرونه د ازادي راډيو خبریاله فرشته غني چمتو کوي چې د لاندې لېنک په کېکاږلو یې اورېدای شئ:
