د افغانستان د راتلونکو انتخاباتو په اړه د ازادي راډیو «زما رایه زما حق» د دې اوونۍ بحث مو زیاته برخه مو د «اېس اېن.ټي. وي» او «اېم.ډي.ار» سیسټمونو پر اساس د انتخاباتو ترسره کېدو او دغه شان د انتخاباتو لپاره د بودجې او د امنیت اړوندو موضوعاتو ته ځانګړی کړی.
د افغانستان انتخاباتو په نوي قانون کې «اېس اېن.ټي. وي» سیسټم «اېم.ډي.ار» ته اوښتی، خو په یاد قانون کې یادونه شوې چې د جمهوري ریاست انتخابات باید په زاړه او د ولایتي شورا او ولسوالیو شورا انتخابات په نوي سیسټم ترسره شي.
د انتخاباتو خپلواک کمېسیون وايي چې د ولسوالیو شوراګانو انتخابات نهشي ترسره کولی او د ولایتي شوراګانو انتخابات به هم په زاړه سیسټم ترسره کېږي.
د افغانستان د حقوق پوهانو ټولنه او د افغانستان د ازادو او عادلانه انتخاباتو بنسټ وايي چې سر له اوسه د انتخاباتو قانون خپله د کمېسیون له لوري تر پښو لاندې شوی.
پهدې اړه نور جزئیات په همدې پروګرام کې چې د لاندې لېنک په کېکاږلو سره اورېدلی شئ:
