د فوټبال نړیوال فدراسیون د افغانستان د فوټبال فدراسیون پخوانی رئیس کرامالدین کریم د ۹۰ ورځو لپاره له فوټبال سره له تړلو ټولو فعالیتونو منع کړی دی.
د اسوشیټېډ پرس خبري اژانس د فیفا په قول راپور ورکړی چې ښاغلي کریم په دې موده کې په ملي او نړیواله کچه فوټبال سره له تړلو ټولو فعالیتونو منع شوی دی.
کرامالدین کریم د افغانستان د فوټبال فدراسیون د ریاست پر مهال د افغانستان د نجونو د فوټبال په ټیم کې په جنسي او فزیکي ځورونه تورن دی.
نوموړی پر خپل ځان لګېدلي تورونه بېبنسټه بولي.
افغان ولسمشر محمد اشرف غني د دې قضیې د څېړنې امر کړی دی.