طبي ډاکټران وايي چې د معتادینو عقل او فکر د نشې او خمار پر مهال ګډوډ وي، له همدې امله عبادت په سمه توګه نه شي کولای، له کورنیو او خپلوانو څخه لیري وي او د کور مالي چارې هم په سمه توګه نه شي تنظیمولای.
دا چې په اسلام کې معتاد يا نشه يي سړي عبادت څه حکم لري؟ په کورنیو کې د دوی له امله را پیدا شوې ګډوډۍ څومره د اندېښنې وړ دي او د اسلام له نظره د کورنۍ له غړو سره د دوی بد چلند فتنو او فساد ته څومره لاره اواروي؟
په دې اړه د ازادي راډیو خبریال محمدایاز ترنک له مفتي شمس الرحمن فروتن سره مرکه کړې او په پیل کې یې ځنې پوښتلي چې د معتادينو دومره لوی شمېر د افغانستان غوندي اسلامي هېواد لپاره څومره ضايعه ده؟
