په روسیه کې د فوټبال د نړیوالې اتلولۍ د سیالیو په لړ کې ارجنټاین، کروشیا، ډنمارک او فرانسې بل پړاو ته لاره ومونده.
تېره شپه په یوې سختې سیالۍ کې ارجنټاین وتوانېده چې نایجریا ته د یو پر وړاندې په دوو ګولونو ماتې ورکړي.
همدارنګه کروشیا، ایسلنډ د یو په مقابل کې په دوو مات کړ.
پیرو اسټرالیا ته د یو په وړاندې په دوو ماتې ورکړه او فرانسې له ډنمارک سره لوبه په صفر مساوي کړه.
پهدې ترتیب سره ایسلنډ، پیرو، نایجریا او استرالیا په روسیه کې د فوټبال د نړیوال جام سره خدای پاماني وکړه.
نن چهارشنبې څلور لوبې کېږي. جرمني له جنوبي کوریا سره، سویډن له مکسیکو سره، برازیل له صربیا سره او سویس له کاستاریکا سره میدان ته وځي.
دوه لوبې د افغانستان په وخت مازیګر شپږ نیمې بجې او دوه نورې هم نن شپه لس نیمې بجې ترسره کېږي.