په کاناډا کې د افغان سفارت چارواکي وايي چې دغه هېواد ته تللي ډېری افغان ډیپلوماتان بېرته خپل هېواد ته نه دي ستانه شوي او په هغه هېواد کې سیاسي پناه اخیستې ده.
په کاناډا کې افغانې سفیرې شینکۍ کړوخېل ویلي چې له ۲۰۰۲ میلادي کال راهیسې یوازې د څلورو سفیرانو په ګډون نهه ډیپلوماتان بیرته افغانستان ته ستانه شوي او له شلو ډېر نور بیا له خپلو کورنیو سره په هغه هېواد کې پاتې دي.
له اغلې کړوخېل سره د دې او یو شمېر نورو مسائلو په اړه د ازادي راډيو خبریال اکرام الله اکرام د حقیقت څه دی د دې اونۍ په خپرونه کې غږېدلی.
د بشپړ پروګرام ورېدو لپاره لاندې لېنک کېکاږئ:
