د ازادي راډيويي مجلې نننۍ ګڼه چې د ارواښاد څېړنپوه عبدالله بختاني خدمتګار روح ته ډالۍ شوې په دې مطالبو راښکلې شوې ده:
- د فرهنګي خبرونو تر څنګ مو د خدايي خدمتګار، څېړونکي او لیکوال اروا ښاد سرڅېړونکي عبدالله بختاني خدمتګار پر ژوند او کار یو راپور برابر کړی.
- په هنر جاج کې د کابل پوهنتون د دوکتورا او ماسټرۍ برنامو له استادې ډاکټرې زرغونې زېور رښتین سره پښتو ژبې ته په پور راغلي کلمو د لیک او لوست جاج اخلو.
- فنکار برخه کې د جنوبي پښتونخوا لیکوال او څېړونکي ډاکتر صادق ژړک سره د هغه پر فن غږېږو.
- په زرپاڼه کې به لنډه کیسه «مریخ» واوروئ.
- د ادب جام په نننۍ برخه کې د پښتون ډبر ته د ډېرښت دعا کوونکي مشر بېټ نیکه د ژوند احوال اخلو.
- وریښمین خیال کې د استاد عبدالله بختاني خدمتګار یو ډکلمه شوې غزل او د نواب استاد په غږ د هغه د شعر زمزمه اورو.
جوړوونکی: پوهنیار محبوب شاه محبوب
