ایا کله اړ شوي یاست چې د معاملاتو د لارښوونې د دفتر له لارې کور په ګرو یا کرایه ونیسئ؟
ځیني خلک وایي، د رهنما له ډېر کمېشن او ځیني وختیې له فریبکاریو څخه تنګ دي، د رهنما څښتن بیا وايي، د عدلیې وزارت سره مو هم د خلکو شکایت شریک کړی دی.
د افغانستان اکثره خلک شخصي کورونه نهلري، نو ځکه اړ دي چې د ژوند کولو لپاره کور په کرایه یا ګرو ونیسي، نو بیا د معاملاتو د لارښوونې دفتر ته ورځي او د کور غوښتنه کوي، خو ځیني وخت بیا داسې ستونزو سره مخ کېږي چې د کور په نیولو پښېمانه شي، کله د کور د خاوند او همسایه ترمنځ جنجال وي، کله هم د معاملاتو د لارښوونې دفتر د خپلې ګټې لپاره دواړو خوا ته دروغ وایي، اکثره د معاملاتو د لارښوونې دفترونه د قانون په خلاف له دواړو خواو ډېر کمېشن اخلي.
د عدلیې وزارت په وینا د معاملاتو د لارښوونې دفتر د کور په ګرو او خرڅولو کې یو فیصد حق لري چې کمېشن واخلي او په کرایه کې د ۱۵ ورځو پیسې چې نیمې د کور له خاوند او نیمې له کرایه نیوونکي څخه کېږي، واخلي، خو دوی د یوې میاشتې کرایه اخلي.
بشپړ پروګرام د لاندې لېنک په کېکاږلو سره اورېدلی شئ:
