د امریکا متحده ایالتونو ولسمشر ډونالډ ټرمپ به نن دوشنبه «۱۳۹۶ کال د لیندۍ ۲۷» د ملي امنیت یوه نوې سټراټيژي اعلان کړي.

خبري اژانسونو د امریکايي چارواکو په حواله ویلي چې ښاغلی ټرمپ به د "امریکا لومړی" په پالیسۍ تمرکز وکړي او همدا راز به چین د "اقتصادي پارونې" په سبب د سر سخته سیال په توګه ونوموي.

د بوش د ولسمشرۍ د وخت یوه چارواکي مایکل الن فایننشل ټایمز ته ویلي:

"د ملي امنیت سټراټيژي په چین باندې د اقتصادي فشارونو د یوې لړۍ د واردولو یوه پیلوونکې وسله ده."

ځینو نورو کارپوهانو بیا ویلي، له چین سره تُند چلند به د اسیا له دغه لوی قدرت سره ویجاړونکې اقتصادې جګړې ته لار پرانیزي.

چین او امریکا په دې وروستیو کې د شمالي کوریا د راکټي پروګرام په سر خبرې ښکته او پورته کړي او امریکا له دغه هېواده تمه لري چې په شمالي کوریا زیات فشار راوړي.

د امریکا ولسمشر ډونالډ ټرمپ به نن د امریکا په وخت د ماسپيښین په دوو بجو د ملي امنیت نوې ستراتیژي اعلان کړي.

د ملي امنیت ستراتيژي د ولسمشر رونالډ رېګن له وخته هر څلور کال یو ځل اعلانیږي.

د امریکا د فدرالي څیړنو د ادارې ( ایف.بي.آی) مشر کش پټېل تېره شپه ناوخته د داعش خراسان څانګې د غړي، چې د دوی د ادعا له مخې د کابل د هوایي ډګر د برید یو طراح دی، انځور خپور کړی.

پټيل پر خپله ایکس پاڼه/ پخواني ټویټر له دغه انځور سره لیکلي چې محمد شریف الله تېره شپه امریکا ته رسیدلی او د عدالت منګولو ته سپارل کیږي.

د کابل هوایي ډګر په ابي دروازه کې د ۲۰۲۱ کال د اګست په شپږویشته، له افغانستانه د امریکایي ځواکونو د تخلیې پر مهال، خونړی برید وشو چې ۱۳ امریکایي سرتیري او ۱۷۰ افغانان یې ووژل.

د برید مسولیت هغه مهال داعش وسله والې ډلې ومانه.

د امریکا ولسمشر ډونالډ ټرمپ وړمه شپه ګانګرس ته د وینا پر مهال له پاکستانه مننه وکړه چې د داعش دغه غړی یې نیولی دی.

که څه هم ښاغلي ټرمپ د داعش د دغه غړي هویت په ډاګه نه کړ، خو تېره ورځ د پاکستان صدر اعظم شهباز شریف وویل چې دغه کس د افغانستان تبع دی.

د طالبانو د حکومت ویاند ذبیح الله مجاهد بیا وویل، په پاکستان کې د داعش د غړي نیول، د دې ښکارندویي کوي چې داعش پاکستان ته پنا وړې او هلته یې ځالې جوړې کړې دي.

د بښنې نړیوال سازمان په کابل کې د زده کړو د فعال وزیر خان د نیولو په اړه اندیښنه ښودلې او د هغه د سملاسي خوشې کېدو غوښتنه یې کړې ده.

دغه سازمان د چهارشنبې په ورځ ( د کب ۱۵مه) پر خپله ایکس پاڼه/ پخواني ټویټر لیکلي، یوه اونۍ کیږي چې د طالبانو استخباراتو دغه فعال نیولی، خو زیاته کړې ده چې کورنۍ یې د هغوی د ځای ځایږي په اړه معلومات نه لري.

وزیرخان په افغانستان کې د نجونو او هلکانو د زده کړو لپاره کمپاینونه کول او د خپلو فعالیتونو انځورونه یې پر خپلو ټولنیزو پاڼو خپرول.

سازمان د طالبانو له حکومته غوښتي چې دغه فعال سملاسي او له کوم شرط پرته خوشې کړي.

طالبانو تراوسه د هغه د نیولو په اړه رسمي تبصره نه ده کړې.

د هغه د کورنۍ غړو دوه ورځې وړاندې ازادي راډیو ته ویلي وو چې د وزیر خان د وضعیت په اړه اندیښنه لري او هیڅوک یې د حال په اړه معلومات نه ورکوي.

د کریکټ د اتلانو جام ( چمپینز ترافۍ) دویمه نیمه پایلوبه کې نیوزلنډ د جنوبي افریقا لوبډلې ته د ۳۶۳ منډو هدف ورکړ.

د لوبې پچه نیوزیلند وګټله او د ټولو اورونو په لوبېدو او د شپږو لوبغاړو په سوځېدو یې دومره منډې وکړې.

د نیوزلنډ لوبډله به وروسته خپل بیټینګ پيلوي، خو د دومره لوی هدف پوره کول به ورته ګران پریوزي.

د نن ورځې بریالۍ لوبډله به د راتلونکې یکشنبې په ورځ ( د مارچ په نهمه) له هند سره پایلوبه ولري.

هند پرون استرالیا ته په څلورو ویکټو ماته ورکړه او پایلوبې ته یې لاره پيدا کړه.

د تورخم په نننۍ جګړه کې دوه افغان خبریالان ټپیان شوي دي.

په تورخم کې یو سیمه ییز خبریال نن چهارشنبه ازادي راډیو ته وویل، په نننۍ جګړه کې د ټپي شویو خبریالانو وضعیت نازک دی.

دوی کې یو د پژواک خبریال محمد شینواری او بل د حریت په نوم د یوې ویب پاڼې خبریال عزیزالحسن نعماني دی.

دوی هلته له سیمې راپور چمتو کاوه چې د هاوان مرمۍ باندې ټپیان شول.

په تورخم کې نن غرمه مهال یو ځل بیا د پاکستاني او طالب د پوله ساتو ځواکونو ترمنځ جګړه پیل شوې وه.

د فبرورۍ له ۲۱مې راهیسې له کله چې په تورخم کې د طالبانو او پاکستاني ځواکونو ترمنځ د مورچلو د جوړولو پر سر شخړه جوړه شوې، دا دریم ځل دی چې یو پر بل د سپکو او درنو وسلو بریدونه کوي.

د جګړې په لومړۍ ورځ پاکستان خواته د ځینو ملیشه سرتیرو د ټپي کېدو راپورونه خپاره شول.

طالبانو ویلي، د دوی یو سرتیری جګړه کې وژل شوی او یوشمېر نور برسیرن ټپیان دي.

په تورخم کې نن چهارشنبه غرمه مهال یو ځل بیا د دواړو لورویو د پوله ساتو ځواکونو ترمنځ جګړه شوې ده.

په ننګرهار کې د طالبانو د حکومت یوې سرچینې چې له تورخمه یې ازادۍ راډيو سره خبرې کولې وویل، جګړه وروسته له هغه پيل شوه چې د پاکستان یوې وړې بې پيلوټه الوتکې د دوی پر یوې پوستې برید وکړ.

سرچینې چې د موضوع د حساسیت له کبله یې نه غوښتل نوم او غږ خپور شي زیاته کړه چې دغه برید کې چاته زیان نه دی اوښتی.

د سرچینې په ټکو دواړه لوري یو د بل پر اهدافو د توپونو او نورو درنو وسلو ډزې کوي.

تورخم د فبرورۍ له ۲۱مې را په دې خوا د هر ډول تګ راتګ او سوداګرۍ په وړاندې تړل شوی دی
دغلته د جګړې له دواړو لوریو ته سلګونه کورنۍ بې ځایه شوي او خوندي سیمو ته تللي دي.

د پاکستان پوځ ادعا کوي چې د خیبر پښتونخوا په بنو کې پروني ځانمرګي او ډله ییز برید کې افغانان ښکیل وو.

پوځ نن چهارشنبه( د کب ۱۵مه) په یوه خبرپاڼه کې ویلي چې پر پوځي مرکز شوی دغه برید " د خوارجو د مشرانو له خوا" چې افغانستان کې دي، پلان شوی و.

حمله د دوو ځانمرګو بریدونو په وسیله پيل او بیا نور وسله وال پوځي مرکز ته دننه شول.

د ټولو برید کوونکو شمېر ۱۶ ښودل شوی چې ویل کیږي څلور هغه یې ځانمرګي وو.

د پوځ د اعلامیې په ټکو، برید کې د پنځو پوځیانو په ګډون ۱۸ تنه وژل شوي دي.

دوی یوځل بیا د طالبانو له حکومته غوښتي چې له خپلې خاورې دې د نورو په ضد چاته د ګټې اخیستنې اجازه نه ورکوي.

د طالبانو حکومت تراوسه په دې اړه تبصره نه ده کړې، خو مخکې تر دې یې ورته تورونه رد کړي او ویلې يې دي، دوی هیچا ته اجازه نه ورکوي چې د افغانستان خاورو د نورو په ضد وکاروي.

شریف نن چهارشنبه ( د کب ۱۵مه) پر خپله ایکس پاڼه یا پخواني ټویټر ولیکل چې د شریف الله په نوم د داعش دغه غړی د افغانستان او پاکستان ګډې پولې ته نژدې د دوی په عملیاتو کې نیول شوی دی.

دا په داسې حال کې ده چې نن سهار وختي د امریکا ولسمشر ډونالډ ټرمپ وویل چې په افغانستان کې د ۱۳ امریکايي سرتېرو د وژنې عامل نیول شوی دی.

د طالبانو ویاند ذبیح الله مجاهد د شهباز شریف د دغو څرګندونو په غبرګون کې ویلي، په پاکستان کې د داعش د غړو نیول د دې ښکارندویي کوي چې داعش پاکستان ته پنا وړې او هلته یې ځالې جوړې کړي.

هغه زیاته کړې، دا موضوع هیڅ په افغانستان پورې اړه نه لري.

ټرمپ که څه هم د دغه نیول شوي کس هویت څرګند نه کړ، خو له پاکستانه یې د هغه د نیولو له کبله مننه وکړه.

بل لورته د امریکا د فدرالي څیړنو د ادارې یا ( ایف.بي.آی) مشر کش پټېل ویلي، دغه کس تېره شپه د دوی منګولو ته ور رسیدلی دی.

د ۲۰۲۱ کال د اګست په ۲۶مه نېټه له افغانستانه د امریکايي ځواکونو د وتلو په ګډوډۍ کې د کابل په هوايي ډګر کې خونړۍ چاودنه وشوه چې ۱۳ امریکايي سرتېري او له ۱۷۰ ډېر افغانان پکې ووژل شول.

د دې حملې پړه د اسلامي دولت ډلې یا داعش خراسان څانګې منلې وه.

په ننګرهار کې د طالبانو د حکومت یوې سرچینې چې له تورخمه یې ازادۍ راډيو سره خبرې کولې وویل، جګړه وروسته له هغه پيل شوه چې د پاکستان یوې وړې بې پيلوټه الوتکې د دوی پر یوې پوستې برید وکړ.

سرچینې چې د موضوع د حساسیت له کبله یې نه غوښتل نوم او غږ خپور شي زیاته کړه چې دغه برید کې چاته زیان نه دی اوښتی.

د سرچینې په ټکو دواړه لوري یو د بل پر اهدافو د توپونو او نورو درنو وسلو ډزې کوي.

جګړه د لومړي ځل لپاره د دوشنبې په شپه ونښته چې دواړو لوریو ته یې مرګ ژوبله او مالي زیانونه واړول.

د سه شنبې په شپه هم دواړو لور ډزې سره تبادله کړې وې.

تورخم د فبرورۍ له ۲۱مې را په دې خوا د هر ډول تګ راتګ او سوداګرۍ په وړاندې تړل شوی دی
دغلته د جګړې له دواړو لوریو ته سلګونه کورنۍ بې ځایه شوي او خوندي سیمو ته تللي دي.

د امریکا ولسمشر ډونالډټرمپ وايي چې په افغانستان کې د ۱۳ امریکايي سرتېرو د وژنې عامل نیول شوی دی.

ښاغلي ټرمپ له لوړې وروسته کانګرس ته په لومړنۍ وینا کې نن (د مارچ ۵مه) دا څرګندونې وکړې.

د ۲۰۲۱ کال د اګست په ۲۶مه نېټه له افغانستانه د امریکايي ځواکونو د وتلو په ګډوډۍ کې د کابل په هوايي ډګر کې خونړۍ چاودنه وشوه چې ۱۳ امریکايي سرتېري او له ۱۷۰ ډېر افغانان پکې ووژل شول.

ټرمپ د کانګرس د دواړو خونو ګډې غونډې ته په وینا کې وویل چې په دې برید تورن کس د پاکستان په مرسته نیول شوی دی او په متحدوایالتونو کې د محاکمې لپاره اوس مهال دې هېواد ته پر لاره دی. هغه په دې اړه نور جزییات ورنه کړل.

د دې حملې پړه د اسلامي دولت ډلې یا داعش خراسان څانګې منلې وه.

ښاغلي ټرمپ د دې وینا په ترڅ کې امریکا ته د غیرقانوني کډوالو د مخنیوي له هڅو نیولې، د چین، کاناډا، مکسیکو او نورو هېوادونو پر وارداتو د تعرفې تر لوړولو پورې د امریکا د بېلابېلو کورنیو او نړیوالو مسایلو په اړه خبرې وکړې.

د طالبانو امنیتي چارواکي په تخار ولایت کې د څه باندې ۶ ټنه تریاکو د کشف او ضبط خبر ورکوي.

د فرانسپرس خبري آژانس د راپور له مخې د تخار د امنیه قوماندانۍ ویاند محمد اکبر حقاني ویلي دي چې د طالبانو د ځانګړو عملیاتو په ترڅ کې ۶۲۹۹ کیلوګرامه تریاک ضبط شوي دي.

د کورنیو چارو وزارت ویاند عبدالمتین قانع پر خپله ایکس پاڼه لیکلي چې دا تریاک د ګاز په یوه لوی ټانکر کې ځای پرځای شوی وو، او په تړاو یې دوه مشکوک کسان نیول شوي دي.

پر افغانستان د طالبانو له بیا واکمنېدو وروسته دا لومړی ځل دی چې دومره ډېر تریاک په یوځل عملیاتو کې نیول کېږي.

افغانستان پخوا په نړۍ کې د مخدرو موادو لوی تولیدوونکی هېواد و. د کورنیوچارو وزارت ویاند ښاغلي قانع ویلي دي چې د دوی حکومت غواړي د کوکنارو کښت صفر ته راکښته کړي.