د کارنګي تحقیقاتي مرکز په افغانستان کې د ناټو پر مأموریت یوه څېړنه کړې ده.
کارنګي اروپا ډلې په انلاین خپرونه کې له یو شمېر څېړونکو پوښتنه کړې چې ایا ناټو په افغانستان کې ایسار پاتې که څنګه؟
د کارنګي په خپرونه کې د کارنګي د نړیوالې سولې د برخې د یوه همکار فرانسز زي براون په حواله راغلي چې ناټو په افغانستان کې ایسار شوې او د وتلو لپاره یوازې سیاسي لار لري.
فرانسز براون په څېړنیزه مقاله کې ویلي چې د ناټو دوه اصلي هدفونه د ترورېزم پر ضد مبارزه او د کډوالۍ د کړکېچ هواری په یوه با ثباته افغانستان پورې تړاو لري.
اخوا کارنګي یوروپ په دې مقاله کې د یورو اېشیا مرکز له مشر فریسر کامیرون هم خپله پوښتنه کړې ده.
کامیرون ویلي، ناټو له کلونو راهیسې په افغانستان کې ایسار ده.
کارنګي اروپا خپرونې د یورو اېشیا مرکز د مشر فریسر کامیرون په حواله دا انتقاد خپور کړی چې ناټو له منسجمې تګلارې او د پوځي حضور لپاره د ملکیانو له قوي ملاتړ پرته په افغانستان کې ایسار پاتې ده.
کارنګي یوروپ خپرونې په داسې حال کې د یو شمېر کارپوهانو په حواله په افغانستان کې ناټو ایسار بللې چې د شمالي اتلانتیک تړون یا ناټو دفاع وزیرانو تېره اوونۍ افغانستان ته د درې زره تازه دمه سرتېرو د لېږلو پرېکړه وکړه.
ناټو له افغانستان سره د هر ډول همکاریو له ژمنو یو ځل بیا ډاډ ورکړی دی.
- نیویارک ټایمز
نیویارک ټایمز ورځپاڼې د وسلهوالو طالبانو د رژیم له سقوط ۱۵ کاله وروسته د افغان نجونو په وضعیت تمرکز کړی دی.
نیویارک ټایمز د بشري حقونو د څار د یوې مشرې څېړونکې هیدربار مقاله خپره کړې چې د افغان نجونو ژوند یې انځور کړی.
هیدر د خپلو همکارانو په ملتیا په افغانستان کې له ۲۴۹ نجونو سره مرکې کړي چې ډېره برخهیې په معارف څرخېږي.
نیویارک ټایمز لیکلي چې د افغان حکومت لهخوا د خپرو شویو شمېرو پر اساس درې نیم میلیونه ماشومان په افغانستان کې له زدهکړو بېبرخې دي چې ۸۵ فیصدهیې نجونې دي.
د ملګرو ملتونو سازمان د بشري حقونو څار دې مشرې څېړونکې ویلي، اکثر افغان نجونې د درس ویلو لپاره مبارزه کوي او یو شمېر کورنۍ هم شته چې د خپلو نجونو د زدهکړو لپاره ښارونو ته کډه کېږي.
نیویارک ټایمز د هیدربار په حواله دا هم لیکلي چې د دولس تر ۱۵ کلنو نجونو دوه پر درېیمه برخه د ښوونځیو پرېښودلو ته اړ ایستل کېږي.
هیدر ویلي ۳۷ فیصده نجونې د لیک لوست وړتیا لري، خو دا فیصدي په هلکانو کې ۶۶ سلنې ته رسېږي.