جنګ او جګړې هغه تباه کوونکي طوفان ته ورته دي چې انسانان، کورونه، ونې، بوټي، ملامت او سلامت ټول له ځانه سره وړي او د یوه هېواد مادي او معنوي هستي له خاورو سره خاورې کوي.
خو ډېر ناوړه تاثیرات یې بیا پر انسانانو محسوسیږي، په افغانستان کې نږدې درې لسېزې کیږي چې خرابو امنيتي شرایطو او جنګجګړو ډېرې کورنۍ د غم په ټغر کېنولي او داسې ورځ نشته چې یوه افغانه کورنۍ دې قرباني ورنه کړي.
له بده مرغه د دې جنګ جګړو یو دروند بار ښځې وړي اوتر بل هر چا ښځې ډېرې زیانمنې شوي دي.
د هلمند اوسېدونکې ذالحجه چې مورنی صبر او زغم یې د ستایلو وړ دی، د افغانستان د امنیتي ځواکونو په لیکو کې یې درې زامن له لاسه ورکړي او یو بل ټپي دی.
مېرمن ذالحجه وایي، د وژل شوو زامنو درد له یوې خوا او د کونډو او یتیمانو ناوړه وضعیت له بلې خوا دا ډېره ځورولې ده.
د بشپړ پروګرام اورېدو لپاره لاندې لېنک ګېکاږۍ:
جوړوونکې: مسعوده نیازۍ