د دې اوونۍ په خپرونه کې د هوایي قواوو له یوې پخوانۍ افسرې سره غږېدلي یو چې په وینا یې یو وخت یې په هوایي قواوو کې دنده لرله اوس د ژوندله ناخوالو سره مخامخ ده او خیرات ټولوي.
شرمیلا هغه مېرمن ده چې وایي، په روسیه،هند او ترکیه کې یې د طیارې د انجنیرۍ په برخه کې فني زده کړې دي.
شرمیلا اوس د کندهار ښار ختیځ لور ته په زړو بلاکونو کې له خپل معیوب خاوند سره ژوند کوي.
شرمیلا وايي، د بګرام، کابل او کندهار په هوايي ډګرونو کې يې دندې ترسره کړي دي، خو اوس چې دنده نه لري د دولت او خلکو له پامه غورځېدلې او په خورا سختۍ کې ژوند کوي.
د مېرمن شرمیلا په وینا دېرش کاله یې د خپل هېواد لپاره زحمت یستلی او په ډېرو سختو شرایطو کې یې دنده ترسره کړې ده خو اوس د ژوند له سختو ناخوالو سره مخامخ ده او د یوې مړۍ ډوډۍ پیدا کولو لپاره په ښار بازار کې ګدایي کوي او خپل ژوند پرې تېروي.
د بشپړ پروګرام اورېدو لپاره لاندې لېنک کېکاږئ:
جوړوونکې:مسعوده نیازۍ