د امریکا متحده ایالاتو د ولسمشرۍ په انتخاباتو کې د ډموکراټ او جمهوري غوښتونکو ګوندونو کاندیدانو هېلري کلېنټن او ډونالډ ټرمپ په لومړنۍ ټلوېزیوني مناظره کې ګډون وکړ.

په دې مناظره کې د امریکا له کورنیو مسایلو نیولې د ملي امنیت او نړیوالو اړیکو په اړه پر بېلابېلو مسایلو بحث وشو.

دواړو کاندیدانو د مناظرې په جریان کې پر یو بل سخت انتقادونه هم وکړل.

کلېنتن ټرمپ یو غولونکی شخص یاد کړ چې د دې په وینا د غوره کېدو لپاره ګډې وډې خبرې کوي او هغه‌یې تورن کړ چې د روسیې ولسمشر ولادمیر پوتین‌یې هڅولی چې پر امریکایي اهدافو انټرنېټي یا سایبري حملې وکړي.

مېرمن کلېنټن زیاته کړه:

"په دې وروستیو کې موږ د سایبري حملو شاهد یو چې دولتونه او د دولتونو ادارې يې تر شاه دي. د وروستیو حملو تر شاه چې د اندېښنې وړ دي، روسیه ده."

ټرمپ کلېنټن یوه نمونه سیاستواله وبلله چې د ده په وینا خبرې ډېرې کوي، ښې یې هم کوي خو عمل نه‌کوي.

هغه د سایبري حملو په اړه د کلېنټن د تورونو په اړه وویل:

"زه فکر نه‌کوم چې څوک دې په دې پوه وي چې روسیې پر «DNC» حمله کړې وي. دا وایي روسیه، روسیه او روسیه، ښایي دا به روسیه وه خو کېدای شي هغه چین وي. ښایي یو شمېر نور کسان وي."

ښاغلي ټرمپ دغه‌راز پر ډموکراټ ګوند تور ولګاوه چې له عراقه د امریکايي سرتېرو په اېستلو سره‌یې د اسلامي دولت ډلې یا داعش رامنځته کېدو ته زمینه برابره کړه.

ویل کېږي د تېرې ورځې ټلوېزیوني مناظره به شاوخوا نوي میلیونه وګړو لیدلې وي.

د دواړو کاندیدانو ترمنځ د نومبر د اتمې د انتخاباتو له ترسره کېدو مخکې دا ډول دوه نورې مناظرې هم کېږي.

تمه ده سبا سه شنبې د افغانستان د فوټبال ملي لوبډله د سوریه د فوټبال له ملي لوبډلې سره مخامخ شي.

د فوټبال فدرسیون د معلومات له مخې، دا سیالۍ د اسیا ملتونو جام د مقدماتي لوبو په ترڅ کې په سعودي عربستان کې ترسره کیږي.

د افغانستان د فوټبال ملې لوبډله له یوې اونۍ راهیسې د سعودي عربستان په ترمیني الاحسا تمریني کمپ کې دي او د سوریه پر وړاندې لوبې ته تیاری نیسي.

د افغان لوبډلې سبانۍ لوبه د ملي ټیم د نوي ایټالیوي روزونکي وینجنزو البرتو انزه تر مشرۍ لاندې ترسره کیږي.

ښاغلي انزه تیره میاشت د فوټبال د ملي لوبډلې د روزونکي په توګه وټاکل شو.

د فوټبال افغان ملي لوبډله سبا د سوریې د فوټبال له ملي لوبډلې سره لوبه لري

د طالبانو د عامې روغتیا سرپرست وزیر جلال جلالي د ایران پلازمینې تهران تللی دی.

په کابل کې د ایران سفارت نن دوشنبې پر خپلې ایکس پاڼې/پخواني ټویټر د دغه سفر موخه د روغتیا په برخه کې د دواړو لورو ترمنځ همکاري یاده کړې.

که څه هم د سفر ډیر جزیات په ډاګه شوي نه دي، خو ایران له دې وړاندې ویلي و چې ډیر ژر به په کابل او بامیانو کې د دوو روغتونو د جوړونې چارې پیل کړي.

ایران د نړۍ د نورو هېوادونو په څیر د طالبانو حکومت په رسیمت پیژندلی نه دی، خو له هغوو ګوتو په شمیر هېوادونو څخه دی چې د طالبانو له رژیم سره نژدې اړیکي پالي.

د ایران د بهرنیو چارو د وزارت ویاند اسماعیل بقايي وايي، ډیر ژر به د امریکا د نه منلو وړ وړاندیز په ځواب کې د اټومي هوکړې لپاره خپله بدیله طرحه وړاندې کړي.

رویترز خبري اژانس له دې وړاندې راپور ورکړی و چې تهران د امریکا متحده ایالتونو له خوا په مې میاشت کې د اټومي پروکرام په اړه وړاندیز شوې طرحه ته منفي ځواب چمتو کوي.

اسماعیل بقايي نن دوشنبې وویل، "د اټومي پروګرام په اړه د امریکا وړاندیزونه د ایران لپاره د منلو وړ نه دي، موږ به خپله نهايي طرحه چې "معقوله، منطقي او متوازنه " ده د عمان له لارې امریکا ته وړاندې کړو".

یو پخواني ایراني ډیپلوماټ رویترز خبري اژانس ته ویلي، د امریکا وړاندیزونه د هغوو اختلافاتو حل نه دی چې ایران ته د یورانیم د غني کیدو او د بندیزونو لرې کیدو ته لار هواره کړي.

د بقايي په ټکو، د ایران او امریکا ترمنځ د شپږم پړاو خبرو اترو لپاره دقیقه نیټه ټاکل شوې نه ده.

امریکا او ایران د اټومي هوکړې په اړه په عمان او ایټالیا کې پنځې دورې غیرمستقیمې خبرې اترې کړي دي.

د امریکا ولسمشر ډونالډ ټرمپ په خپلې لومړۍ دوره کې د ایران او شپږو نړیوالو قدرتونو ترمنځ د ۲۰۱۵کال د اټومي ټرون لغوه کړ او سخت بندیزونه یې پرې ولګول.

دغو اقتصادي بندیزونو که څه هم ایران سخت زیانمن کړ خو له دې محدودیتونو سربیره په تیرو کلونو کې ایران ډیر یورانیم غني کړي دي.

د طالبانو د حکومت د صعنت او سوداګرۍ سرپرست وزیر نورالدین عزیز په مشرۍ یو پلاوي نن دوشنبې د ازبکستان پلازمینې تاشکند ته سفر وکړ.

د طالبانو په واک باختر خبري اژانس د سفر موخه په تاشکند کې د پانګونې په څلور نړیوال کنفراس کې د دې پلاوي ګډون او د دواړو هېوادونو ترمنځ د پخوانیو پریکړو او ژمنو څیړل یاد کړي دي.

په تاشکند د پانګونې دغه نړیوال کنفراس هرکال د شاوخوا ۱۰۰ هېوادونو د ولسمشرانو، وزیرانو او لوړپوړو چارواکو په ګډون جوړیږي.

بل پلو، ازبکستان د لوی اختر په مناسبت افغانستان ته ۱۸۳ټنه بشري مرستې رالیږلي دي.

په دغو مرستو کې چې خوارکي توکې شامل دي د حیراتان بندر له لارې افغانستان ته رارسیدلي دي.

دا اور د کمپنۍ بازار د لیلامیو په یوه مارکېټ کې د سهار په شاوخوا نهو بجو پیل شوی وو.

د سیمه ییزو رسنیو د راپورونو په اساس اور وژونکو بالاخره څو ساعته وروسته شاوخوا یوه بجه اور مړ کړ خو لا یې هم د علت په اړه څه نه دي ویلي.

په دغه اور کې چې زورورې لمبې یې درلودې او تر ډېره لوړه یې لوګی پورته کېده شاوخوا اویا دوکانونه سوځېدلي.

لا د اوښتي مالي تاوان په اړه کره جزییات نه دي شریک شوي خو د سیمې دوکاندارانو له حکومت د مرستې غوښتنه کړې.

له نن دوشنبې امریکا ته د افغانستان په شمول د ۱۲ هېوادونو د اتباعو پر سفر بندیز پیلیږي.

د امریکا ولسمشر ډونالډ ټرمپ په یوه فرمان سره چې د جون له نهمې سهار وختي تطبیقیږي امریکامتحده ایالتونو ته د ۱۲ هېوادونو د اتباعو پر سفر بندیز ولګاوه او د دې پرېکړې هدف یې له بهرنیو ترهګرو د امریکا محافظت یاد کړ.

د ولسمشر ټرمپ د سفري بندیز په فرمان کې افغانستان، ایران، میانمار، چاد، کانګو جمهوریت، استوایي ګینه، اریتریا، هایتي، لیبیا، سومالیا، سوډان او یمن شامل دي.

په دغه فرمان کې بیا دا استثنی راغلې چې د امریکا د دایمي استوګنې یا ګرین کارټ درلودونکي او هغه کسان چې دمخه یې د کډوالۍ ځانګړې ویزې یا اس آی وي په څېر د امریکا ویزې ترلاسه کړې وي له بندیزونو معاف دي.

هغو افغانانو چې د متحده ایالاتو یا د امریکا په تمویل شویو پروژو کې کار کړی له دغو وروستیو تحولاتو اندېښمن دي.

دوی وايي چې د سفر دا بندیز ممکن دوی بیرته خپل هیواد ته د تلو لپاره اړ کړي؛ هلته چې د دوی په خبره ممکن طالبان غچ ترې واخلي.

پرتګال د اروپايي ملتونو د فوټبال اتلولي وګټله.

د اروپايي ملتونو د فوټبال د لیګ پایلوبه د پرتګال او هسپانیې تر منځ د یکشنبې په شپه د مونیخ په الیانز ارینا سټډیوم کې وشوه.

دا لوبه په ټاکلو نوي دقیقو کې ۲ – ۲ مساوي شوه او په اضافي وختونو کې هم پایله همداسې پاتې شوه.

دا په زړه پورې لوبه بالاخره پنالټي شوټونو ته ورسېده چېرته چې پرتګال وتوانېد ۵ پر ۳ خپل سیال مات کړي.

دا د اروپايي ملتونو د فوټبال په لیګ کې د پرتګال د ملي ټیم دویم وار اتلولي وه.

د یکشنبې شپې په لوبه کې د هسپانیې لپاره مارتین زوبیمیندي او میکل اویارزابل ګولونه ووهل.
د پرتګال لپاره نونو میندیز لومړی ګول ترسره کړی وو او دویم ګول د نړۍ وتلي فوټبال کریستیانو رونالډو په ۶۱مه دقیقه کې ترسره کړ.

د جرمني پولیسو یوه ښځه وروسته له هغه په مونیخ ښار کې په ډزو وویشتله چې په دوو نورو کسانو یې د چاقو حمله کوله.

دې دېرش کلنې ښځه وروسته په روغتون کې ساه ورکړې.

د جرمني خبري اژانس ډي پي اې راپور ورکړ چې د شنبې په ورځ دې ښځې په ترزینویزه سیمه کې پر یوه سړي او یوې ښځې د چاقو حمله وکړه.

د بایرن ایالت د پولیسو ویاند وویل چې د بریدګرې ښځې له خوا دا سړی او ښځه سطحي ژوبل شوي.

د برید انګېزه لا روښانه نه ده.

نن سهار د کابل د پنځمې ناحیې په کمپنۍ بازار کې یو لوی اور لګېدلی.

د راپورونو په اساس اور د لاسي توکو او لیلامیو په مارکېټ کې لګېدلی.

د مرګ ژوبلې یا احتمالي زیان په اړه کوم راپور نشته.

په خواله رسنیو د دې اور ګڼې ویډیوګانې خپرې شوي چې ښيي د اور لمبې نورو سیمو ته هم پراخیږي او تر ډېره لوړه لوګی هوا ته پورته شوی.

په ویډیوګانو کې د ځینو وړو چاودنو غږونه هم اورېدل کېږي چې ښايي د وړو ګاز ډبو د چاودنو وي.

هسپانیه او پرتګال به نن شپه د اروپايي ملتونو د فوټبال اتلولۍ لیګ پایلوبه کې سره مخ شي.

دا په زړه پورې لوبه د افغانستان په وخت د شپې په ۱۱:۳۰ بجو پیلیږي.

تر لوبې مخکې ګڼو خلکو د فوټبال له وتلي ستوري کریستیانو رونالډو سره د ځوان او تکړه لوبغاړي لامین یامال د مخ کېدو په اړه څرګندونې او مقایسې کړي دي.

رونالډو بیا په یوه کنفرانس کې وویل چې پر لامین باید د خلکو زیات فشار نه وي او هغه پرېښودل شي چې خپله لوبه وکړي ځکه ډېر استعداد لري.

فرانسه او جرمني به هم د دریم مقام لپاره سیالي وکړي.

د دوی لوبه بیا د افغانستان په وخت د ماښام په پنځه نیمو پيلیږي.