تمه ده چې د اروپا د فوټبال جام کوارټرز فاینل یا تر نیمه پای لوبې مخکې لومړۍ لوبه نن شپه ترسره شي.
دا لوبه په فرانسه کې د پرتګال او پولنډ تر منځ د افغانستان په وخت د شپې په یوولس نیمو بجو پیلیږي.
پولنډ، سویس ته او پرتګال کرویشیا ته ماتې ورکړه او کوارټرز فاینل ته ووتل.
سبا شپه بیا ویلز او بلجیم مسابقه لري، د شنبې په شپه جرمني له ایټالیا سره او د یکشبې په ورځ فرانسه له ایسلنډ سره مخامخیږي.
د اروپا د فوټبال جام پای لوبه به د جولای په لسمه ترسره شي.