د نړۍ پيژندل شوي فوټبالېست لیونل میسي نن د ارجنټاین له ملي لوبډلې د وتلو اعلان وکړ.
میسي وویل، چې د ارجنټاین په ملي لوبډله کې د ده وخت پای ته رسیدلی او هیڅ کله به بیا په دې ټیم کې لوبه ونه کړي.
د ارجنټاین د فوټبال ملي لوبډلې د امریکا کپ "کوپا امریکا" په سیالیو کې مسابقه ۴ د ۲ په مقابل کې، په پنالټي ګولونو چیلي ته ور وبایلله.
ارجنټاین له ۱۹۹۳میلادي کال راهیسې د فوټبال کوم ستر تورنمنټ نه دی ګټلی.
میسي څرګنده کړه چې د ارجنټاین په ملي لوبډله کې د ده وخت پای ته رسیدلی .
میسي او ارجنټاین په ۲۰۰۷ میلادي کال کې د کوپا امریکا سیالي برازیل ته ور بایلله او په ۲۰۱۴ میلادي کال کې د فوټبال نړیوال جام په سیالیو کې یې له جرمني ماتې وخوړه.