د اروپا د فوټبال جام د مسابقو په حذفي پړاو کې به نن ماښام دری لوبې وشي.
پولند به د سویس، ویلز به د شمالي ایرلند او پرتګال به د کرواشیا د فوټبال له لوبډلې سره مسابقه لري.
په ننیو مسابقو کې به د ریال مادرید پيژندل شوی فوټبالیست کرستیانو رونالدو د کرواشیا د ټیم له لوکا مودریچ سره مخامخ شي.
د اروپا د فوټبال د سږني جام لپاره د مسابقو په حذفي پړاو کې به له شپاړسو ټیمونو یوازې اته ټیمونه کوارټر فاینل ته لار پیدا کړي.